Эрон сарнагунии паҳподашро рад кард
Сухангӯи аршади нерӯҳои мусаллаҳи Ҷумҳурии исломии Эрон иддаои раисҷумҳури Амрико мабнӣ бар соқит кардани паҳподи эрониро такзиб кард.
Доналд Трамп, раисҷумҳури Амрико рӯзи панҷшанбе муддаӣ шуд, нови амрикоии USS Boxer, як паҳподи эрониро, ки ба он наздик шуда буд, соқит кардааст.
Ин иддаои Трамп дар ҳоле аст, ки Вазорати дифои Амрико дар баёнияе ишорае ба эронӣ будани ин паҳпод накард.
Абулфазл Шикорчӣ, сухангӯи аршади нерӯҳои мусаллаҳи Эрон рӯзи ҷумъа гуфт: Бар хилофи иддаоҳои раисҷумҳури Амрико, тамоми паҳподҳои мутааллиқ ба Ҷумҳурии исломии Эрон дар минтақаи Халиҷи Форс ва Тангаи Ҳурмуз, аз ҷумла паҳподи мавриди назари Трамп пас аз анҷоми маъмурияти шиносоӣ ва мудирияти барномарезишуда ба саломат ба пойгоҳҳои худ баргаштаанд.
Шикорчӣ изҳороти бепояи раисҷумҳури Амрикоро бо ҳадафи эҷоди илтиҳоб ва ноамнсозии минтақаи муҳими Халиҷи Форсва оброҳаи стратегии тангаи Ҳурмуз унвон кард.
