Ҷон бохтани 440 бемори коронаӣ дар Эрон

Сухангӯи Вазорати беҳдошт, дармон ва омӯзиши пизишкии Эрон аз шиносоии беш аз ҳашт ҳазор бемори нави мубтало ба корона ва фавти 440 нафар дар 24 соъати гузашта дар ин кишвар хабар дод.

Симосодоти Лорӣ- сухангӯи Вазорати беҳдошти Эрон рӯзи душанбе дар бораи охирин омори мубталоён ба вируси корона дар кишвар гуфт: Дар 24 соъати гузашта, 8 ҳазору 289 бемори нави мубтало ба КОВИД-19 дар Эрон шиносоӣ ва аз ин теъдод 3 ҳазору 23 нафар бистарӣ шуданд.

Лорӣ бо баёни ин ки маҷмӯи беморони КОВИД-19 дар Эрон ба 628 ҳазору 780 нафар расидааст афзуд: Дар 24 соъати гузашта 440 нафар аз беморони КОВИД-19 ҷони худро аз даст доданд ва маҷмӯи ҷонбохтагони ин беморӣ дар кишвар ба 35 ҳазору 738 нафар расидааст.

Ба гуфтаи сухангӯи Вазорати беҳдошти Эрон, токунун 491 ҳазору 247 нафар аз беморон низ беҳбуд ёфта ва аз бемористонҳо мурраххас шудаанд.

Бештар бихонед:

• Омори ҷадиди шуюъи ҷаҳонии вируси корона

• Гиёҳхорӣ эҳтимоли ибтило ба коронаро афзоиш медиҳад

• Иҷрои симфонияи Шаҳрзод ба шарофати фидокории кодри дармонии корона дар Эрон