Корона ҷони 128 нафари дигарро дар Эрон гирифт
-
Корона ҷони 128 нафари дигарро дар Эрон гирифт
Сухангӯи Вазорати беҳдошт, дармон ва омӯзиши пизишкии Эрон гуфт: Бо фавти 128 бемори дигар аз мубталоёни қатъӣ ба корона дар 24 соати гузашта , шумори ҷонбохтагони қатъии ин беморӣ дар Эрон ба 55 ҳазору 223 нафар расид.
Симо Содот Лорӣ, сухангӯи Вазорати беҳдошт, дармон ва омӯзиши пизишкии Эрон рӯзи панҷшанбе бо эъломи охирин омори мубталоён ва ҷонбохтагони корона дар Эрон гуфт: «Дар 24 соати гузашта бар асоси меъёрҳои қатъии ташхисӣ 6 ҳазору 390 бемори ҷадиди Ковид - 19 дар Эрон шиносоӣ шуд ва 702 нафар бистарӣ шуданд».
Сухангӯи Вазорати беҳдошт, дармон ва омӯзиши пизишкии Эрон бо баёни ин ки маҷмӯи беморони Ковид - 19 дар кишвар ба як миллиону 225 ҳазору 143 нафар расидааст гуфт хушбахтона то кунун 988 ҳазору 838 нафар аз беморон беҳбуд ёфта ё аз бемористонҳо мурраххас шудаанд».
Вируси корона омили бемории Ковид-19 аз авохири соли 2019 дар шаҳри "Вуҳон"-и Чин мушоҳида ва дар муддати кӯтоҳе дар ҳамаи ҷаҳон мунташир шуд ба тавре. ки Созмони Беҳдошти Ҷаҳонӣ феврали 2020 бурузи пандемияи ( ҳамагирии ҷаҳонӣ ) ин бемориро таъйид кард.
Бемории Ковид- 19 бар асоси омори расмии кишварҳо токунун беш аз 83 миллион нафарро дар дунё мубтало кардаасту беш аз як миллиону 814 ҳазор нафар низ бар асари ин бемории ҷони худро аз даст додаанд.
Афзоиши шуюъи корона дар ҷаҳон ҳамчунон идома дорад, ки ба тозагии гунаи ҷадиде аз вируси корона дар Англис кашф шудаасту дар остонаи соли нави мелодӣ, кишварҳои саросари ҷаҳон дар ҳоли иттихози мамнӯъиятҳои марзӣ ва ҳавоии бештар бо Англис ҳастанд, ки метавонад мушкилоти ҷиддитареро ҳам барои ин кишвар ва ҳам сойири кишварҳои ҷаҳон ба вуҷуд биоварад.
Бештар бихонед:
