Воизӣ: Хати тавлиди ваксинаи русии корона дар Эрон эҷод мешавад

Раиси дафтари раисиҷумҳури исломии Эрон аз роҳандозии хати тавлиди ваксинаи русии корона дар Эрон хабар дод.

Маҳмуди Воизӣ бо ишора ба хариди ваксинаи корона аз Русия ва ҳамоҳангии ду кишвар барои тавлиди муштараки ваксинаи корона дар Эрон афзуд: Дар сафари раиси Созмони ғизо ва доруи Вазорати беҳдошт, дармон ва омӯзиши пизишкии Эрон ба Русия тавофуқ шуд то хати тавлиди ваксинаи русӣ дар Эрон роҳандозӣ шавад.

Воизӣ бо ишора ба талош барои тавлиди ваксинаи эронии корона гуфт: Ваксинаи “Пастер” мароҳили хуберо тай кардааст ва дар Куба бо ҳамин ваксина эмгузаронии умумии худро оғоз кардаанд ва қарор аст хати тавлиди ин ваксина ҳам дар Эрон эҷод шавад.

Раиси дафтари раиси ҷумҳурии Эрон аз хариди 250 ҳазор доза ваксинаи чинӣ ва воридоти он ба Эрон низ хабар дод ва гуфт: Илова бар ин, қарордоди Эрон бо Ҳинд барои дарёфти ваксинаи ҳиндӣ, ки дар чанд кишвари дигар монанди Шветсия ҳам дар ҳоли сохт ва тавлид аст ва дар Оксфорд таҳқиқоти он анҷом шудааст, дар мароҳили ниҳоӣ шудан аст.

Ҳамчунин Ҳомиди Ҳусайнӣ, мудири маркази корозмоии болинии Донишгоҳи улуми пизишкии Теҳрон рӯзи ҷумъа гуфт: Мутолеаи фази як тести инсонии ваксинаи коронаи “Ков Эрон баракат” поён ёфтааст.

Бештар бихонед:

• 5 ваксинаи эронӣ дар феҳристи номзадҳои ваксинаи Ковид 19 –и Созмони Ҷаҳонии Тандурустӣ
• Рӯнамоӣ ва оғози мутолеоти болинии дувумин ваксинаи эронии корона
• Ваксинаи эронии корона вируси коронаи англисиро хунсо кард