Касби мақоми сеюми варзишкори эронӣ дар мусобиқоти сангнавардии қаҳрамонии ҷаҳон
Сентябр 22, 2021 16:50 Asia/Dushanbe
Намояндаи Эрон ба медали бронзи бахши “комбайн”-и мусобиқоти сангнавардии қаҳрамонии ҷаҳон даст ёфт.
Ба гузориши хабаргузории “Эрон Пресс”, мусобиқоти сангнавардии қаҳрамонии ҷаҳон шомгоҳи сешанбе дар Маскав ба поён расид ва дар охирин шаби мусобиқот Элнози Рикобӣ аз Эрон бо 42 имтиёз дар радаи сеюми ин бахш қарор гирифт.
Ҷессика Пилз аз Австрия бо 20 ва Мая Крмапал аз Словения бо 36 имтиёз медалҳои тилло ва нуқраи ин бахшро ба даст оварданд.
Ин нахустин медали сангнавардии занони Эрон дар таърихи мусобиқоти қаҳрамонии ҷаҳон буд.