Амирабдуллоҳиён: Эрон нигоҳе мусбату созанда ба Афғонистон дорад

Вазири умури хориҷаи Эрон дар посух ба ибрози таассуфи амиқи сарпарасти вазорати хориҷаи ҳайати ҳокимаи муваққати Афғонистон аз ҳаводиси ахиру таарруз ба намояндагиҳои Эрон дар Кобулу Ҳирот таъкид кард, Эрон нигоҳе мусбату созанда ба Афғонистон дорад.

Амирабдуллоҳиён бо ишора ба музокироти худ бо тарафи афғонистонӣ дар авоили ин моҳ дар шаҳри Тун Шии Чин дар ҳошияи нишасти вазирони умури хориҷаи кишварҳои ҳамсояи Афғонистон таъкид кард, Ҷумҳурии Исломии Эрон нигоҳе мусбату созанда ба Афғонистон дошта ва табодули ҳайат барои ҳамкориҳо байни ду кишвар, ирсоли кумакҳои башардӯстона ва фаъол нигаҳ доштани намояндагиҳои худ барои ироаи хадамот ба мардуми Афғонистон дар ҳамин чорчӯб будааст.

Вай афзуд, бадеҳист дар муқобил, аз ҳайати ҳокимаи муваққати Афғонистон интизор дорем, дар заминаи ҳифзи комили амнияти амокини дипломатӣ ва дипломатҳои Ҷумҳурии Исломии Эрон, кантроли марзҳо ва адами иҷоза ба обирини ғайри муҷоз ва ҳамчунин амал ба тааҳҳудоти дуҷонибаи худ мутобиқи қарордодҳои лозимулиҷрои фимобайн, аз ҷумла дар ҳавзаи ҳаққобаи Эрону обҳои марзии ҳамкории лозим ва ҷиддиро дошта бошад.

Амирабдуллоҳиён дар ин гуфтугуи телефонӣ аз инки таблиғоти су, ҳадфдор ва дуруғин пахш шуда дар бархе шабакаҳои иҷтимоӣ тавассути душманони равобити хуби ду миллати ҳамсояи Эрону Афғонистон боиси вуқуъи бархе ҳаводиси нороҳаткунанда шудааст, изҳори таассуф кард.

Вай ҳамчунин зимни истиқбол аз дастури ҳайати ҳокимаи муваққат мабнӣ бар мамнуияти кишти маводи мухаддир дар Афғонистон, аз омодагии Ҷумҳурии Исломии Эрон барои ҳамкорӣ бо Афғонистон барои тавсеаи кишти ҷойгузин хабар доду ибрози умедворӣ кард, ки бо ҳамкории ду кишвар, мушкили қочоқи маводи мухаддир бартараф шавад.

Сарпарасти вазорати хориҷаи ҳайати ҳокимаи муваққати Афғонистон низ дар ин тамоси телефонӣ зимни ибрози таассуфи амиқи худ аз ҳаводиси ахиру таарруз ба намояндагиҳои Эрон дар Кобулу Ҳирот, нисбат ба таъмини амнияти комили амокини дипломатӣ, дипломатҳо ва коркунони Ҷумҳурии Исломии Эрон дар ин кишвар итминон дод.

Амрхон Муттақӣ зимни қадрдонӣ аз меҳмоннавозии давлату мардуми Эрон ва ироаи хадамоти густарда ба мардуми ин кишвар дар шароити сахту душвор, бар иҳтимоми ин кишвар барои тавсеа ва густариши равобиту ҳамкориҳо дар ростои манофеи ду кишвару миллати ҳамсоя ва мусулмон таъкид кард ва итминон дод, ки аз ҳеҷ талоше барои рафъи нигаронии Эрон дареғ нахоҳад кард.

Вай мавзӯи ҳаққобаи Эронро мавриди таваҷҷуҳ қарор дод ва аз эъзоми ҳайати тахассусии Эрон бад-ин манзур ба Афғонистон истиқбол кард.

Муттақӣ ҳамчунин бар ҷиддияти Толибон барои муқобила бо маводи мухаддир таъкид кард.