Эрон ёздаҳумин тавлидкунандаи бузурги худравҳои саворӣ дар ҷаҳон

Саноъати худравсозии Эрон бо пешрафти ҳаштпиллае дар муқоиса бо соли 2021 дар ҷойгоҳи ёздаҳумини тавлидкунандаи бузурги ҷаҳон дар заминаи тавлиди худравҳои саворӣ дар соли 2022 қарор гирифт .

Ба гузориши радиои тоҷикии Садои Хуросон,Анҷумани тавлидкунандагони худрави Аврупо дар гузорише эълом кард дар соли 2022 беш аз 68 миллион дастгоҳи худруи саворӣ дар саросари ҷаҳон тавлид шуд ки аз назари мизони рушди 7 . 9 дарсадиро нисбат ба соли 2021 таҷриба кард .
Дар ин гузориш омадааст саноъати худравсозии Эрон дар соли 2021 теъдоди 979 ҳазору  969 дастгоҳи худрав тавлид карда буд ва ин дар ҳолест, ки дар соли 2022 дар Эрон  як миллиону 85 ҳазору 859 дастгоҳи худрав тавлид шуда, ки рушди 10.8 дарсадиро нисбат ба соли 2021 доштааст .
Ин нахустин бор аст, ки пас аз даври ҷадиди таҳримҳои Амрико саноъати худрави Эрон тавонист дар заминаи тавлид аз марзи як миллион дастгоҳ убур кунад .
Гуфтанӣ аст акнун умдаи худравҳое ки дар Эрон тавлид мешаванд маҳсулоти тавлидӣ буда ва бахши кӯчаке аз санъати худрав дар Эрон ба худравҳои монтажӣ ихтисос дорад, ки ин нишондиҳандаи рушди санъати худравсозии Эрон ва худкифоии ин санъат дар бахши тавлиди дохилӣ буда, ки дар сахттарин шароити таҳрим тавонистаанд зимни худкифоӣ дар тавлиди маҳсӯлу дохилисозӣ, тиражи тавлиди худравро дар Эрон афзоиш диҳанд .