Лағви раводид барои атбои чинӣ аз сӯи Қирғизистон

Муовини нахуствазири Қирғизистон аз тасмими давлати ин кишвар дар бораи лағви раводид барои бархе аз шаҳрвандони чинӣ хабар дод.

Ба гузориши хабаргузории Форс, Эдил Байсалов, муовини нахуствазири Қирғизистон дар нишасти Анҷумани дӯстии Қирғизистону Чин ба муносибати даҳумин солгарди ибтикори "як камарбанд - як ҷода" гуфт, шаҳрвандони чинии сокини манотиқи идории вижаи Ҳонгконг ва Макао, аз ин пас барои сафар ба Қирғизистон ниёз ба раводид нахоҳанд дошт.

Ба гуфтаи вай, ҳамчунин шаҳрвандони чинии дорои раводиди Амрико, Британия ва Иттиҳоди Аврупо метавонанд бидуни ахзи раводид ба муддати як ҳафта ба Қирғизистон сафар кунанд.

Музокирот миёни Чину Қирғизистон барои лағви раводид чанде пеш (моҳи май) сӯрат гирифта буд.