Эрон ҳамлаи террористии паҳподӣ дар хоки Тоҷикистонро маҳкум кард

Исмоил Бақоӣ-сухангӯи Вазорати умӯри хориҷаи Эрон ҳамлаи террористӣ дар ноҳияи Шамсиддин Шоҳини вилояти Хатлон дар Тоҷикистонро маҳкум кард.

Ба гузориши хабаргузории Садо ва Симо ; Исмоили Бақоӣ-сухангӯи Вазорати умӯри хориҷаи Эрон ҳамлаи террористии  ёдшударо, ки мунҷар ба кушта шудани се шаҳрванди чинии машғул ба кор дар Тоҷикистон шуд, маҳкум кард ва зимни ибрози ҳамдардӣ бо хонаводаҳои ҷонбохтагон , бо давлатҳои Тоҷикистону Чин эъломи ҳамбастагӣ кард.
Сухангӯи Вазорати умӯри хориҷаи Эрон бо ишора ба мавзеи усӯлии Ҷумҳурии исломии Эрон дар маҳкумияти қотеъи ҳамаи шаклҳо ва нишонаҳои тероризм , бар зарурати тақвияти ҳамкориҳои чандҷониба барои пешгирӣ ва муқобила бо тероризм таъкид кард.