Ҳимоят аз сулҳ ва амният дар Афғонистон
"Зиёда аз 40 сол аст, ки мардуми Афғонистон аз хунрезӣ азоб мекашанд, маншаи он асосан аз хориҷа аст."
Вазири умумри хориҷаи Эрон Муҳаммад Ҷаводи Зариф ин воқеияти талхро дар Конфронси байналмилалии Афғонистон-2020, ки дар он намояндагони баландпояи 66 кишвар ва 32 ташкилоти байналмилалӣ дар Женева ширкат варзиданд,ба манзури роҳҳои ба даст овардани сулҳ, субот ва рушд дар Афғонистонро баргузор шуд, баён кард.
Зариф дар бахше аз суханонаш; ҷанги Афғонистонро ҳамчун фоҷиаи азиме пас аз 20 соли конфронси Бонн тавсиф кард ва гуфт, ки муносибати низомӣ ба сулҳ ноком шуд. Вай изҳор дошт, ки Созмони Милали Муттаҳид бояд дар мусоидат ба муколамаи байни Афғонистон нақши калидӣ дошта бошад ва Эрон омодааст ба ҳамкорӣ омода бошад.
Афғонистон акнун солҳост, ки аз ҷанг ва вайронӣ; ақибмондагиҳои иқтисодӣ, тафриқа ва ифротгароӣ ва тероризм ранҷ мебарад, ин вазъиятро мебоист натиҷаи авомили мухталифе донист; аммо муҳимтарини онҳо мудохилоти бегонагон дар ин кишвар будааст. Ҳамалоти террористии ахир, аз ҷумла куштори бераҳмона дар Донишгоҳи Кобул ва ҳамалоти ракетӣ ба нуқоти мухталифи Кобул ҳосили ин воқеъияти талх аст.
Савол ин аст ки чи гуна мешавад ба барқарории сулҳу амният дар Афғонистон кӯмак
кард ?
Суханони вазири хориҷаи Эрон дар конфаронси байналмилалии Афғонистон 2020 , посухе равшану воқеъгароёна ба ин пурсиш аст.
Вазири умури хориҷаи Эрон хуруҷи масъӯуонаи нерӯҳои хориҷӣ аз Афғонистон, ҳамроҳ бо интиқоли равон ва муассири вазоифи онҳо ба нерӯҳои амниятии Афғонистонро гоме дар ҷиҳати сулҳ пойдор донист.
Масъалаҳое, ки дар суханронии вазири корҳои хориҷии Эрон дар Конфронси байналмилалӣ оид ба Афғонистон таъкид шудаанд, ба ҳамгироӣ асос ёфтааст; Ҳамкории дастаҷамъона ва истифодаи иқтидорҳои дохилиминтақавӣ барои ноил шудан ба сулҳи пойдор дар ин кишвар. Дар ин замина, авлавияти аввалиндараҷаи дипломатияи Эрон талош барои қатъи хушунат ва ҷанг бо равиш ба муколама барои сулҳ аст. Кӯмак ба иқтисод ва зиндагии мардуми Афғонистон ва барқарор кардани харобаҳои ҷанг як масъалаи дигари муҳим аст, ки аз нигоҳи Эрон бояд дар баробари талошҳои сиёсӣ ба даст оварда шавад.
Муҳаммад Иброҳим Тоҳириёнфард, намояндаи вижаи вазири умури хориҷаи Эрон дар Афғонистон, дар мулоқоти ахир бо Дебора Лайонс, намояндаи вижаи дабири кулли СММ дар Афғонистон дар Теҳрон таъкид кард, ки Ҷумҳурии Исломии Эрон ба сулҳ ва амният дар Афғонистонро сулҳ ва амнияти худ медонад. "Эрон раванди сулҳи марбут ба афғонҳо ва меҳварияти афғонҳоро дастгирӣ мекунад" гуфт ӯ.
Хайруллоҳ Шафеӣ, коршиноси масоили Афғонистон мӯътақид аст, ки Эрон ва Афғонистон ба далели муҷовирату ҳамсоягӣ ба унвони аҷзои як система талаққӣ мешаванд ва бар якдигар таъсир мегузоранд.
Аз ҷанбаи иқтисодӣ; низ ҳамон гуна, ки Зариф вазири умури хориҷаи Эрон ишора кардааст; Эрон бо вуҷуди таҳримҳо ва коршиканиҳои Амрико, дар кӯмак ба тарҳи зерсохтии Афғонистон ҳамвора пешқадам будааст.
Ифтитоҳи роҳи оҳани Хоф-Ҳирот дар рӯзҳои наздик ва иртиботи роҳи оҳани Эрону Афғонистон ва инчунин осон кардани дастрасии тиҷорати Афғонистон ба ҷаҳони беруна тавассути бандари Чобаҳор, дар ҷанубу шарқи Эрон, бахше аз амалкарди Эрон дар ин замина мебошад. Эрон инчунин метавонад дар соҳаи энергетика чораҳои муассир андешад, то ба кишвар кӯмак расонад. Бо таваҷҷӯҳ ба маҷмӯи ин равишҳо ва тадбирҳои созанда гуфтан мумкин аст, ки дастгирии сулҳу амният меҳвари дипломатияи минтақавӣ ва байналмилалии Эрон дар муносибат бо ҳамсоягонаш, ба хусус Афғонистон аст ва Эрон дар пешбурди ин ҳадаф, дар канори давлат ва мардуми Афғонистон истодааст.
Бештар бихонед:
