Pars Today

Баста шудани марзҳои Тоҷикистону Қирғизистон ва таъсири ин иқдом бар тиҷорати ду ҷонибаи ин ду кишвари ҳамсоя аз мавзуоти доғи баррасиҳои коршиносони сиёсӣ ва иқтисодӣ аст.

Ба гузориши сомонаи Тоҷвик, баррасиҳо нишон медиҳад, муомилоти тиҷории Тоҷикистону Қирғизистон дар муқоиса бо дигари кишварҳои минтақа ночиз аст.

Чунончӣ дар се моҳи нахусти имсол Тоҷикистону Қирғизистон 9 миллиону 300 ҳазордоллар муомилоти тиҷорӣ доштаанд, ки ин шохис бо Узбекистон 104 миллиондоллар, бо Чин 140 миллиондоллар ва бо Афғонистон 14 миллиондоллар будааст.

Дар соли 2020 низ маҷмӯ муомилоти тиҷории Тоҷикистону Қирғизистон 38 миллиону 800 ҳазордоллар будааст.

• Қирғизистон марзи худ бо Тоҷикистонро ба таври комил баст

Ба гуфтаи коршиносон аз онҷо ки аз Қирғизистон орди Қазоқистону сӯхти Русия ба таври қочоқ ба Тоҷикистон ворид мешуд, баста шудани марзҳо метавонад мӯҷиби афзоиш қиматҳо шавад.

Ҳамчунин бахше аз колоҳо аз Чин ба Қирғизистон ва аз ин кишвар ба Тоҷикистон ворид мешуд, ки акнӯн Душанбе бояд ба фикри интиқоли маҳсӯлоти чинӣ аз Қазоқистон бидуни вурӯд ба Қирғизистон бошад.

Ин дар ҳоле аст, ки масири мустақим байни Тоҷикистону Чин аз қаламрави вилояти Бадахшон вуҷӯд дорад, ки ниёзманди бозсозӣ аст, вале то ба ҳол тарҳи тавсеъаи ин роҳи муҳим оғоз нашудааст.

Дар ду рӯзи ахир Қирғизистон марзи ҳавоӣ ва заминии худро ба таври комил бо Тоҷикистон баст ва ҳатто 200 мусофири парвози Душанбе ба Бишкекро бо ҳавопаймои ширкати “Сомон Эйр” ба Тоҷикистон бозгарданд.

Бештар бихонед:

• Гӯсфанди ҳисорӣ; маншаи ихтилофи ҷадиди Тоҷикистону Қирғизистон
• Ваъдаи Путин барои ҳалли ихтилофоти марзии Тоҷикистону Қирғизистон