Вокуниши Ҳамос ба бомбаборони Ғазза тавассути режими саҳюнистӣ
-
Ҷунбиши муқовимати исломии Фаластин (Ҳамос), ҳамалоти режими саҳюнистӣ ба Ғаззаро талоши бесамар барои қудратнамоӣ донист.
Ҷунбиши муқовимати исломии Фаластин (Ҳамос), ҳамалоти режими саҳюнистӣ ба Ғаззаро талоши бесамар барои қудратнамоӣ донист.
Ба гузориши радиои тоҷикии Садои Хуросон, «Ҳозми Қосим » сухангӯии Ҳамос имрӯз душанбе дар баёнияе эълом кард, бомбаборони Навори Ғазза талоше бесамару шикастхӯрда аз сӯи душмани саҳюнистӣ барои нишон додани қудрати нотавони худ ва тармими ваҷҳаи артишӣ аст ки набарди Сайфул Қудси онро ба ларза даровардааст.
Қосим таъкид кард, ин ҳамалот, муқовимати моро барои бозпасгирӣ ҳуқуқи миллати Фаластин мутаваққиф намекунад ва мо ба муборизаи қонунӣ ва машрӯъи худ дар роҳи зиндагӣ бо каромату озодӣ дар сарзамини худ идома медиҳем.
Сухангӯӣ Ҳамос гуфт, муқовимати қаҳрамон барои таъомул бо ҳар гуна гузина омода аст ва ба ишғолгарон иҷоза намедиҳад муъодилаи мавриди назари худро таҳмил кунад.
Манобеи хабарии имрӯза аз ҳамлаҳои ҳавоии режими саҳюнистӣ ба манотиқи Хон Юнис дар шимолу шарқи Навори Ғазза хабар доданд. Ин ҳамла, эҳтимолан бо истифода аз ҳавопаймоҳо, посух ба фиристодани пуфакҳои оташгиранда аз навори Ғазза ба қаламравҳои ишғолшуда буд.
Гуфта мешавад илова бар манотиқи шарқӣ, манотиқе дар ҷануби навори Ғазза низ ҳадафи ҳамалоти режими саҳюнистӣ қарор гирифтааст.
Бештар бихонед:
