Нахуствазири Тоҷикистон дар Созмони Милал: Мубориза бо қочоқи маводи мухаддир азми ҷаҳониро металабад
Нахуствазири Тоҷикистон дар суханоне дар Маҷмаи умумии Созмони Милал тарҳи ибтикори кишварашро барои эҷоди гурӯҳи вижаи муташаккил аз кормандони ниҳодҳои интизомии кишварҳои "Масири Шимолӣ" бо ҳадафи мубориза бо қочоқи маводи мухаддир ироа кард.
Ба нақл аз хабаргузории Форс, Қоҳир Расулзода, нахуствазири Тоҷикистон дар Маҷмаи умумии Созмони Милали Муттаҳид ҳимояти Созмони Милалро аз ин ибтикор хостор шуд ва афзуд: Бар асоси пешниҳоди раиси Ҷумҳурии Тоҷикистон ин гурӯҳи вижа бо ҳимоят аз Созмони Милал ва бо ҷазби коршиносон барои таҳқиқ дар бораи мушкилоти қочоқи маводи мухаддир фаъолият хоҳад кард.
Расулзода гуфт: Терроризм, ифротгароӣ ҳамроҳ бо ҷиноятҳои созмонёфтаи фаромиллӣ ва қочоқи маводи мухаддир сулҳ ва амнияти байналмилалиро тазъиф, муноқишотро ташдид ва манотиқи мухталифро бесубот мекунад ва мақомоти Тоҷикистон мӯътақиданд, ки талошҳои аслӣ бояд бар ҳазфи зерсохтҳои низомии терроризми байналмилалӣ, маҳрум кардани террористҳо аз ҳар гуна пуштибонии сиёсӣ, низомӣ ва молӣ, ҷилавгирӣ аз истифода аз интернет барои тарвиҷи ифротгароӣ ва хушунат мутамаркиз шавад.
Нахуствазири Тоҷикистон бо баёни ин, ки амният дар Осиёи Марказӣ бо барқарории субот дар Афғонистон иртиботи танготанге дорад афзуд: Тоҷикистон ба унвони кишваре, ки тӯлонитарин марзро бо Афғонистон дорад, аз рӯзҳои аввали истиқлоли худ талошҳои мустамир барои тасбити сулҳу суботи пойдор дар ин кишвар ба кор бастааст.
