Тоҷикистон: Бояд ба беш аз 40 соли ҷанг дар Афғонистон поён дода шавад
(last modified 2019-12-18T13:18:41+00:00 )
Декабр 18, 2019 18:18 Asia/Dushanbe
  • Тоҷикистон: Бояд ба беш аз 40 соли ҷанг дар Афғонистон поён дода шавад

Дабири Шӯрои амнияти миллии Тоҷикистон гуфт, ки бими он меравад гурӯҳҳои террористӣ дар шимоли Афғонистон ва муҷовирати марзи Тоҷикистон ҳукумати мустақил шакл диҳанд.

Муҳаммадалӣ Ватанзода, дабири Шӯрои амният миллии Тоҷикистон, ки дар дувумин конфронси гуфтугӯи амнияти минтақаӣ дар Теҳрон сухан мегуфт, амнияти Афғонистонро бо амнияти кишварҳои минтақа, ба вижа ҳамсоягони ин кишвар дар ҳам танида унвон кард.

Ба гузориши “Форс”, ӯ гуфт, ки бояд бо ҳамкории ҷамъӣ ба беш аз 40 соли ҷанг ва ноамнӣ дар Афғонистон поён дода шавад.

Вай бо ибрози нигаронӣ аз тавсеаи гурӯҳҳои террористӣ дар шимоли Афғонистон, ин рухдодро таҳдиде рӯ ба афзоиш барои амнияти Осиёи Марказӣ зикр кард ва афзуд: “Бо таваҷҷуҳ ба густариш ва тасбити ҳузури ин гурӯҳҳо дар шимоли ин кишвар, эҳтимоли шаклгирии ҳукумати мустақил аз сӯи гурӯҳҳои террористӣ дар ин минтақа ҷиддӣ аст”.

Ватанзода афзуд, фақр ва тавсеанаёфтагӣ яке аз далоили аслии муваффақияти гурӯҳҳои террористӣ дар сарбозгирӣ аз мардуми минтақа ва афзоиши нуфузи онҳо дар вилоятҳои шимолии Афғонистон аст.

Дувумин нишасти гуфтугӯи амнияти минтақаӣ бо ҳузури дабирон ва мушовирони амнияти миллӣ ва мақомоти олии амниятии Эрон, Русия, Чин, Ҳинд, Афғонистон, Тоҷикистон ва Узбакистон имрӯз субҳ (чаҳоршанбе) дар Теҳрон оғоз шуд.

 

 

 

Барчасп