Намоиши филми тоҷикӣ дар 44 кинотеатри Чин
Намоиши филми тоҷикии Оинаи беҷило аз даҳуми январ дар 44 кинотеатри кишвари Чин оғоз шуд.
Ба нақл аз хабаргузории давлатии Ховар, Парвиз Давлатзода Сафири Тоҷикистон дар Пекин дар маросими оғози намоиши ин филми тоҷикӣ гуфтааст, ки Оинаи беҷило роҳи вуруди филмҳои тоҷикӣ ба бозори филми Чинро ҳамвор хоҳад кард.
Филми Оинаи беҷило сохтаи Носир Саидов коргардони тоҷик мавзӯи гузашти падари як ҷавони қурбонӣ аз ҷинояти қотилро баррасӣ мекунад.
Дар ин филм ба арзишҳои фаромӯшшудаи инсонӣ ишора мешавад, ки дар рӯзгори мо камтар дида мешавад.
Ин филм, ки дар ҷашнвораи филми кишварҳои узви Созмони ҳамкории Шанхай дар соли 2018 дар Чиндаои Чин муваффақ ба касби ҷоиза шуда буд, нахустин филми тоҷикиест, ки дар Чин намоиш дода мешавад.
Ин дар ҳолест, ки ду соли пеш барои бори нахуст дар синамоҳои Тоҷикистон намоиши теъдоде аз филмҳои чинӣ намоиш дода шуд.
Ҳамчунин дар соли 2019 миёни ширкати филмсозии Тоҷикфилм ва Раёсати давлатии кинематографияи Чин созишномаи ҳамкорӣ ба имзо расид, ки заминаи мушорикати ду тараф дар сохти осори синамоиро фароҳам месозад.
