“Зарари ваксинаи Астра Зенека / Оксфорд дар Тоҷикистон ҷиддӣ нест”

Вазорати тандурустӣ ва ҳифзи иҷтимоии аҳолии Тоҷикистон эълом кард, ки зарари тазриқи ваксинаи Астра Зенека / Оксфорд дар баъзе аз шаҳрвандон ҷиддӣ нест .

Ба гузориши радиои тоҷикии Садои Хуросон ба нақл аз сомонаи Топ.тҷ  Файзалӣ Саидзода-мудири Маркази пешгирӣ аз бемориҳои сирятии Вазорати тандурустӣ ва ҳифзи иҷтимоии аҳолии Тоҷикистон гуфтааст, ки аз 12 ҳазору  380 нафаре, ки ваксинаи Астра Зенека / Оксфорд дарёфт кардаанд, танҳо 107 нафар аз таби боло шикоят доштанд ,ки баррасиҳо нишон медиҳад ин ориза ҷиддӣ нест .

  Гуфта мешавад, ки Тоҷикистон бо кумаки молии Бонки ҷаҳонӣ  192 ҳазор доза аз ин ваксинаро дарёфт кардааст, ки кадри дармонӣ, муаллимон ва афроди солхурда дар авлавияти тазриқи он қарор доранд .

    Аз ин рӯ ваксина ба кормандони бахши дармон, муаллимон, кормандони фурӯдгоҳу меҳмонхонаҳои шаҳри Душанбе тазриқ шудааст.

•  Тазриқи ваксинаи корона ба беш аз 26 ҳазор корманди бахши дармони Тоҷикистон

  Қарор аст  624 ҳазор дозаи дигар аз ваксинаи Астра Зенека / Оксфорд дар чорчуби барномаи Ковакс, моҳи майи имсол ба Тоҷикистон мунтақил шавад .

  Тоҷикистон ҳамчунин бо Русияу Чин барои ворид кардани ваксинаи корона дар ҳоли музокира аст .

    Қаблан тазриқи ин ваксина дар бархе кишварҳои аврупоӣ ба далели мушоҳидаи мавридҳои ҷиддии лаълбастагии хун пас аз тазриқ, мамнӯъ шуда буд .

 Дар маҷмӯъ дар Тоҷикистон 5 миллион нафар аз ҷамъияти наздик ба 10 миллион нафарии кишвар  ваксинаи корона дарёфт хоҳанд кард .

  Бештар бихонед :

• Чанд дарсад мардуми Тоҷикистон мехоҳанд ваксинаи коронаро гиранд?

• Воридоти 732 ҳазор дозаи ваксинаи коронаи Астра Зенека/Оксфорд ба Тоҷикистон