Таърихсозии тоҷикҳо, Тоҷикистон пурифтихортарин тими Осиёро шикаст дод

Тими Истиқлоли Тоҷикистон бомдоди имрӯз дар дидоре пургул муқобили тими Алҳилол, намояндаи қудратманди Арабистон ин тимро дар хонааш замингир кард ва шигифтисози ин давр аз рақобатҳои лигаи қаҳрамонони Осиё шуд.

Дар ҳафтаи чаҳорум аз марҳалаи гурӯҳии лигаи қаҳрамонони Осиё дар нахустин сооти бомдоди имрӯз аз гурӯҳи A ин мусобиқот, тимҳои Алҳилоли Арабистон, ки пурифтихортарин тими футболи Осиё аст ва Истиқлоли Тоҷикистон дар ва варзишгоҳи Малики Фаҳди Риёз ба дидори якдигар рафтанд, ки дар поён Истиқлоли Тоҷикистон бо натиҷаи 4 бар як мизбони арабистонии худро шикасти сахте дод.  

Қирмизпушони Истиқлоли Тоҷикистон дар натиҷаи ин пирӯзии ширин бо 7 имтиёз садри ҷадвали гурӯҳи A ин рақобатҳоро аз дасти тими муддаии Алҳилол хориҷ карданд ва дар ҷойгоҳи нахусти ин гурӯҳ истоданд ва тими иба радаи дувуми ҷадвали ин гурӯҳ суқут кард.

Голҳои ин бозиро барои Тоҷикистон  Манучеҳр Ҷалилов дар дақоиқи 39 ва 44 ва Манучеҳр Сафаров дар дақиқаҳои 49 ва 53 вориди дарвозаи Арабистони Саудӣ карданд ва танҳо голи тими Алҳилолро низ Бафетимби Гомис дар дақиқаи 24 ба самар расонд.

Тими Алҳилоли Арабистон бо ин шикаст шояд ба марҳалаи ҳазфии рақобатҳо нарасад.

Тими Истиқлоли Тоҷикистони бозии даври рафти худ муқобили Алҳилоли Арабистонро бо натиҷаи се бар сифр ба саудиҳо вогузор карда буд.

Бештар бихонед:

• Бозии баргашти “Истиқлол”-и Тоҷикистон ва “Ал Ҳилол”-и Арабистон дар Риёз

•  

  Истиқлоли Тоҷикистон рақиби узбекистониро шикаст дод +( хулосаи бозӣ)

•  

   

  Хулосаи бозии Истиқлоли Тоҷикистон 0 - Шабоб Ал-Аҳли Иморот 0