Дидори вазири хориҷаи Тоҷикистон бо намояндаи Иттиҳоди Аврупо дар Душанбе
-
Муҳриддин ва Буриан дар бораи ҳамкориҳои Тоҷикистону Иттиҳодияи Аврупо табодули назар карданд
Вазири умури хориҷаи Тоҷикистон ва намояндаи Иттиҳодияи Аврупо дар Осиёи Марказӣ дар нишасти муштараке дар Душанбе густариши ҳамкориҳои дуҷонибаро баррасӣ карданд.
Ба гузориши сомонаи вазорати хориҷаи Тоҷикистон, Вазири корҳои хориҷии Ҷумҳурии Тоҷикистон Сироҷиддин Муҳриддин Намояндаи вежаи Иттиҳоди Аврупо дар Осиёи Марказӣ Петер Бурианро ба ҳузур пазируфт.
Ҷонибҳо перомуни ҳамкорӣ дар чаҳорчӯби Иттиҳоди Аврупо ва Осиёи Марказӣ, Стратегияи нави ИА дар минтақа ва барномаҳои Иттиҳод дар Тоҷикистон табодули афкор намуданд.
Мусоҳибон густариши муносибатҳои Иттиҳоди Аврупо ва Тоҷикистонро дар қолабҳои Шӯрои ҳамкорӣ, Кумитаи ҳамкорӣ, муколамаҳои сиёсӣ ва амниятӣ ва ҳуқуқи инсон муҳим хонданд.
Ҳамчунин дар мулоқот масоили марбут ба амнияту суботи минтақа, вазъ дар Афғонистон ва хатари терроризму ифротгароӣ баррасӣ шуданд.
Бештар бихонед:
- Дидори маҷозии вазири хориҷаи Тоҷикистону дабири кулли амният ва ҳамкории Аврупо
- Бадаҳдӣ; иттиҳоми Тоҷикистон ба Созмони Амният ва Ҳамкории Аврупо
- Гуфтугӯи мақомоти Тоҷикистон бо раиси Созмони Амният ва Ҳамкории Аврупо
