Дидори ҳассоси «Умед» -ҳои футболи Тоҷикистон ва Эрон дар Душанбе
Тимҳои миллии футболи Умеди Тоҷикистон ва Умеди Эрон имрӯз, якшанбе дар дидоре ҳассосу сарнавиштсоз дар Душанбе, пойтахти Тоҷикистон ба масофи якдигар мераванд.
Тими умеди Эрон рӯзи якшанбеи 31 октябр ва аз соати 17: 30 ба вақти Теҳрон дар охирин бозии марҳалаи муқаддамотии гурӯҳии зери 23 солаҳои Осиё ба масофи тими Тоҷикистони мизбон меравад.
Тимҳои Умеди Тоҷикистон ва Эрон ҳар ду шаш имтиёз доранд, аммо тими Умеди Тоҷикистон ба лутфи бартарии голи беҳтар, ҳамакнун дар садри ҷадвал қарор дорад ва фардо ҳатто бо тасовӣ ҳам тими Умеди Тоҷикистон ба унвони тими аввал ба марҳалаи ниҳоии рақобатҳо боло хоҳад рафт ва тими Умеди Эрон бояд мунтазири таъйини таклифи тимҳои дувум барои боло рафтан ба марҳалаи ниҳоӣ бимонад.
Аз 11 гуруҳи мусобиқоти марҳалаи муқаддамотӣ 11 тими аввал ба ҳамроҳи 4 тим аз беҳтарин тимҳои дувум, ба марҳалаи ниҳоӣ боло мераванд то ба ҳамроҳи Узбакистони мизбон, 16 тими ниҳоии рақобатҳои зери 23 соли Осиё дар соли 2022 - ро ташкил диҳанд.
Аммо дар хусуси мусобиқаи ҳассос байни тимҳои Умеди Эрон ва Тоҷикистон пеш аз ин бозӣ мусоҳибае анҷом шуда бо Меҳдии Маҳдавикиё, сармураббии тими футболи Умеди Эрон, ки бо ҳам назарот ва дидгоҳҳои вайро мешунавем:
Бештар бихонед:
- Капитани тими миллии Умеди Эрон: Ҳарифи аслии мо Тоҷикистон аст
- Дидори кадри фаннии тими миллии Умеди Эрон бо сафири Эрон дар Тоҷикистон
