Эъломи иттиҳом алайҳи ду рӯзноманигори тоҷик дар Душанбе

Вакили мудофеи Далери Имомалӣ ва Абдуллоҳ Ғурбатӣ, ду рӯзноманигори боздоштшудаи тоҷик аз эъломи иттиҳом алайҳи онон хабар дод.

Ба гузориши сомонаи нашрияи «Тоҷикистон», Абдураҳмон Шарифов гуфтааст, ки иттиҳоми Далери Имомалӣ фаъолияти ғайриқонунӣ дар бахши хусусӣ ва интишори хабари дурӯғу иттиҳоми Абдуллоҳ Ғурбатӣ истифода аз зӯр алайҳи корманди полис унвон шудааст.

Вай таъкид кардааст, ки ин ду рӯзноманигор дар боздоштгоҳи муваққати шаҳри Душанбе нигаҳдорӣ мешаванд.

Ин ду нафар рӯзи 15 июни соли ҷорӣ ба додситонии ноҳияи Шоҳмансури шаҳри Душанбе даъват ва боздошт шудаанд.

Ин дар ҳоле аст, ки ба ибтикори Раҷаб Мирзо, рӯзноманигори мустақили тоҷик дар шабакаи Фейсбук бо муроҷиати расмӣ, аз ин ду рӯзноманигори боздоштшуда ҳимоят кард.