Ҳафтаи фарҳангии Эрон дар Тоҷикистон поён ёфт
Ҳафтаи фарҳангии Ҷумҳурии исломии Эрон бо ҳузури асҳоби фарҳангу ҳунар ва муаррифии дастовардҳои Эрон дар Тоҷикистон бо ҳузури вазирои фарҳанги ду кишвар баргузор ва ба кори худ поён дод .
Беш аз 51 ҳунарманд дар арсаҳои мухталифи ҳунарҳои таҷассумӣ шомили хушнависӣ, тазҳиб,нигоргарӣ, хаттотӣ ва наққошии хат, сафолгарӣ,мушбаки филиз ва фирӯзакубӣ, дӯхту дуз бо нахи пахта, бофти фаршу гилем, Шоҳномахонӣ, варзиши зӯрхонаӣ ва паҳлавонӣ, гуруҳҳои мухталифи мусиқии классикӣ ва поп ва гуруҳи Шаҳпар дар ҳафтаи фарҳангии Эрон дар Тоҷикистон ба ҳунарнамоӣ пардохтанд .
Ба гузориши радиои тоҷикии Садои Хуросон, ҳафтаи фарҳангии Ҷумҳурии исломии Эрон дар Ҷумҳурии Тоҷикистон бо ҳузури Муҳаммадмаҳдии Исмоъилӣ ва Зулфия Давлатзода, Муҳаммадтақии Собирӣ-сафири Ҷумҳурии исломии Эрон 9 обон ифтитоҳ ва пас аз баргузории як ҳафтаи чашмгиру пурмӯҳтаво ба кори худ поён дод .
Илова бар Душанбе, шаҳрҳои Хуҷанд, Бохтар,Кулобу Ҳисор низ аз дигар шаҳрҳое буданд, ки рӯзҳои фарҳангӣ ва ҳунарии Эрон дар онҳо идома ёфт .
Ҳамчунин намоишгоҳҳои ҳунарӣ ва фарҳангии Эрон низ баргузор шуд. Ҳамзамон бо баргузории айёми фарҳангии Ҷумҳурии исломии Эрон дар Тоҷикистон, Муҳамадмаҳдии Исмоъилӣ низ илова бар ҳузур дар ойини гушоиши ин рӯйдоди бузурги фарҳангӣ ва ҳунарии байналмиллалӣ бо чанд тан аз мақомоту масъӯлони ин кишвар дидор ва гуфтугӯ кард .
Боздид аз бурҷи Истиқлол ва чанд осорхона ва ҳузур дар маҳфили шаби шеър бо шоирони ду кишвар аз дигар барномаҳои вазири фарҳангу иршоди исломӣ дар сафар ба Тоҷикистон буд.
Бештар бихонед :
