Дурахшиши муштзани тоҷик дар Мусобиқоти қаҳрамонии Осиё
Муштзанҳои тоҷик мақоми сеюми мусобиқоти қаҳрамонии Осиёро касб карданд.
Ба навиштаи сомонаи Кумитаи олимпии Тоҷикистон, 10 ноябр дар шаҳри Аммони Урдун муҳорибаҳои даври нимфинали Чемпионати Осиё оид ба бокс баргузор шуд.Дар ин давр ду варзишгари мо – Баҳодур Усмонов дар вазни -63,5кг аз Шива Тҳапаи ҳиндустонӣ ва Муҳаммад Аброриддинов дар вазни +92кг аз Камчибек Конкабаеви қазоқистонӣ мағлуб гардида, ҷои сеюмро касб карданд.
Баҳодур Усмонов дар даври аввал бар варзишгари Кувайт Нодир Бадрон, дар даври дуюм бар намояндаи Тайланд Сомчай Вонгсуван, дар чорякфинал бар варзишгари Туркманистон Хурсанд Имонқулиев пирӯз гардида буд.Муҳаммад Аброриддинов сабқатро аз даври чорякфинал оғоз карда, бар намояндаи Сурия Муҳаммад Млайес пирӯз шуд.8 варзишгари дигарамон дар давраҳои муқаддамотӣ аз ҳарифонашон мағлуб шуданд.
