Оё артиши Лубнон барои ҷанг бо режими саҳюнистӣ омода аст?

Порс-Тудей. Дар пайи шаҳодати як корманди шаҳрдорӣ дар Блида тайи таҷовузи низомии Исроил, раисиҷумҳури Лубнон дар иқдоме бесобиқа артишро маъмури муқобила бо ҳар гуна нуфузи Исроил кард.

Дар пайи таҷовузи низомии ахири Исроил ба ҷануби Лубнон ва шаҳодати як корманди шаҳрдорӣ дар Блида, раиси ҷумҳури Лубнон генерал Ҷозеф Ун дар иқдоме камсобиқа аз артиш хост, бо ҳар гуна нуфузи неруҳои исроилӣ ба манотиқи ҷанубии озодшуда муқобила кунад. Дастуре, ки пас аз моҳҳо нақзи мукаррари оташбас аз сӯи артиши ишғолгар содир шуд.

Ба гузориши Порс-Тудей, вебгоҳи арабии 21 бо интишори ёддоште дар ин хусус ба баррасии аҳамияти ин дастур ва мизони тавонмандии артиши Лубнон барои муқобила бо артиши ишғолгар пардохт.

Чаро ин дастур муҳим аст?

Дар даҳаҳои ахир артиши Лубнон мустақиман вориди даргирӣ бо Исроил нашудаву умдаи мувоҷеҳаҳо бо режими саҳюнистӣ бар ӯҳдаи Ҳизбуллоҳ ва неруҳои муқовимат будааст. Артиши Лубнон на аз назари таслеҳотӣ ва на аз назари омодагии низомӣ, ҳамсанги артиши Исроил ба шумор намеравад ва дар ҳоли ҳозир низ фоқиди зерсохтҳои лозим барои вуруд ба як ҷанги тамомайёр аст.

Таҷовузи ахир чӣ буд?

Бомдоди панҷшанбе як ягони низомии исроилӣ ба таври бесобиқае беш аз як километр вориди хоки Лубнон шуд ва бо пуштибонии худравҳои зиреҳӣ ба сохтмони шаҳрдории Блида юриш бурд. Дар ин ҳамла Иброҳим Салома, корманди шаҳрдорӣ дар маҳалли кораш ба шаҳодат расид. Пас аз он ҷангандаҳои исроилӣ манотиқе дар ҷануби Лубнонро бомбаборон карданд ва Тел-Авив муддаӣ шуд, ки зерсохтҳои вобаста ба Ҳизбуллоҳро ҳадаф қарор додааст.

Вокуниши артиши Лубнон

Артиши Лубнон дар баёнияе ин иқдомро ҷинояткорона, нақзи ошкори ҳокимияти миллӣ ва тахаллуф аз қатъномаи 1701-и Шӯрои Амният хонд ва аз кумитаи назорат бар таваққуфи даргириҳо хост, барои маҳори таҷовузоти Исроил вориди амал шавад.

Оё артиши Лубнон тавони муқобила дорад?

Бо вуҷуди он ки давлати Лубнон расман силоҳро дар инҳисори артиш медонад ва онро мудофеи расмии кишвар мехонад, аммо воқеиятҳои майдонӣ чизи дигаре мегӯянд. Артиши Лубнон аз назари таслеҳотӣ ба шиддат вобаста ба кумакҳои хориҷӣ аст. Амрико ба унвони бузургтарин ҳомии низомии артиши Лубнон, бахше аз ҳуқуқи неруҳоро таъмин мекунад ва умдатан силоҳҳои сабуку муҳиммот дар ихтиёри он қарор медиҳад. Бар асоси додаҳои манобеи низомӣ артиши Лубнон ҳудуди 50 ҳазор неру дар бахшҳои заминӣ, дарёӣ ва ҳавоӣ дорад. Ин артиш фоқиди ҷанганда асту камтар аз 70 фарванд болгард дар ихтиёр дорад, ки аз бештари онҳо барои омӯзиш, наҷот ва сӯхторхомӯшкунӣ истифода мешавад. Дар бахши заминӣ низ ҳудуди 200 тонк ва ҳазорон худрави зиреҳӣ дар ихтиёр дорад, ки бахше аз онҳо ба даврони вуҷуди Иттиҳоди ҷамоҳири Шуравӣ боз мегардад.

Нигоҳи исроилиҳо ба артиши Лубнон

Асоф Урион, генерали бознишастаи артиши Исроил, артиши Лубнонро “артише ром” тавсиф кардааст, ки аз сӯи давлатҳои ғарбӣ ҳимоят мешавад ва Созмони Милал барои он сӯхту ғизо таъмин мекунад. Тол Баири, раиси бахши пажӯҳиш дар маркази исроилии “Олмо” низ мегӯяд, ки таслеҳоти артиши Лубнон фарсудаанд ва ба ҳеҷ ваҷҳ таҳдиде барои артиши Исроил маҳсуб намешаванд. Ин таҳаввулот дар ҳоле рух медиҳад, ки танишҳо дар марзҳои ҷанубии Лубнон рӯ ба афзоиш аст ва ояндаи оташбаси шиканандаи ноябри гузашта дар вартае аз ибҳом қарор дорад.

Оё артиши Лубнон вориди фози ҷадиде аз тақобул хоҳад шуд? Ё ин дастур сирфан паёме сиёсӣ барои маҳори таҷовузоти бештар аст?