Боздошти " бабри ДИИШ " дар ғарби Бағдод
-
Бабри бағдодӣ масъули бомбагузории гурӯҳи террористии ДИИШ буд
Манобеи ироқӣ аз боздошти саркардаи ДИИШ, мавсӯм ба “бабри Бағдод” дар ғарби пойтахти ин кишвар хабар доданд .
Ба гузориши радиои тоҷикии Садои Хуросон ба нақл аз шабакаи Ассумрия,созмони иттилооти Ироқ эълом кард масъӯли бомбагузории гурӯҳи террористии ДИИШ, маъруф ба Нимир Бағдод ( бабри Бағдод )-ро дар як амалиёти ғофилгирона дар минтақаи Абӯғурайб дар ғарби Бағдод дастгир кардааст .
Дар ин баёнияи Созмони иттилооти Ироқ омадааст, ки ин террорист набераи Аҳмад Абдулло Суед, яке аз саркардаҳои ДИИШ ва масъӯли бомбгузорӣ дар минтақае аст, ки ДИИШ онро " вилояти ҷанӯб " мехондаст .
Панҷ рӯз қабл низ нерӯҳои артиши Ироқ волии худхонда ва муфтии гурӯҳи террористии ДИИШ дар шаҳри Алтормия дар устони Салоҳуддинро боздошт карданд.
Бештар бихонед :
