НАТО ба дунболи тавсеаи силоҳҳои атомӣ/Русия: Байден ниёзманди хунрезии бештар дар Аврупост
Кишварҳои узви НАТО дар ҳоли ройзанӣ барои омодасозии силоҳҳои ҳастаӣ ҳастанд.
Йенс Столтенберг-дабири кулли НАТО ин созмонро як иттиҳоди атомӣ медонад ва иддао мекунад, ҳадафи НАТО ҷаҳони орӣ аз силоҳҳои ҳастаӣ аст.
Ба гузориши Порстудей, Столтенберг муддаӣ шуд:«Ҷаҳоне, ки Русия, Чин ва Кореяи шимолӣ дар он силоҳҳои ҳастаӣ доранд ва НАТО надорад, як дунёи хатарноктар аст».
Вай афзуд: Амрико ва муттаҳидони аврупоии он дар ҳоли ҳозир дар ҳоли модернсозии зарродхонаҳои ҳастаии худ ҳастанд.
Дар ҳамин ҳол Дмитрий Песков-сухангӯи Кремл дар вокуниш ба изҳороти дабири кулли «НАТО» гуфт: Чунин лафзбозиҳо ҷуз гом бардоштан дар масири таниши бештар нест.
Мария Захарова-сухангӯи Вазорати умури хориҷаи Русия ҳам дар вокуниш ба барномаҳои «НАТО» барои мулзам кардани ҳама аъзо ба ирсоли силоҳ ба Украина ба аврупоиҳо ҳушдор дод.
Захарова гуфт: Аврупо мутаваҷҷеҳ бошад, ки Вашингтон таҳти парчами «НАТО» онҳоро даргири муқобилаи мустақим бо Русия мекунад.
Сухангӯи Вазорати умури хориҷаи Русия ҳамчунин таъкид кард: «Ҷо Байден, раисҷумҳури Амрико барои мондан дар қудрат ниёз ба хунрезии бештар дар Аврупо дорад.