Чӣ теъдод кулоҳаки ҳастаӣ дар ҷаҳон вуҷӯд дорад?
Порс тудей. Сафир ва намояндаи доими Ҷумҳурии Исломии Эрон назди Созмони Милали Муттаҳид дар Женев дар нишасти соли 2025 Конфронси халъи силоҳи ин созмон суханронӣ кард.
Алии Баҳрайнӣ, сафиру намояндаи доими Эрон назди Созмони милал дар нишасти Конфронси халъи силаҳ бо ибрози нигаронӣ аз инки ҳамзамон бо оғози нишасти соли 2025 Конфронси халъи силоҳ, рақобати таслеҳотии бесобиқае бавижа дар заминаи силоҳҳои ҳастаӣ, лаффозиҳо ва таҳдидҳо барои истифода аз ин силоҳҳо ҳамчунон идома дорад, изҳор кард: Мизони қобили таваҷҷуҳе аз манобее, ки метавонист ба тавсеаҳои иҷтимоӣ ва иқтисодӣ ва эҷоди сулҳ ва амнияти пойдор дар ҷаҳон ихтисос ёбад, сарфи нигаҳдорӣ, тавлид ва навсозии силоҳҳои ҳастаӣ ва ҷанги афрӯзӣ шудааст. Ба гузориши Порс тудей, Баҳрайнӣ афзуд: Мутаасифона кишварҳои дорандаи таслеҳоти ҳастаӣ на танҳо ба тааҳҳудоти худ дар қиболи халъи силоҳи ҳастаӣ тибқи Муоҳидаи манъи густариши силоҳҳои ҳастаӣ (NPT) амал накардаанд, балки ба дунболи таҷдиду навсозии зарродхонаҳои ҳастаии худ низ ҳастанд.
Вай тасреҳ кард: Ҳудӯди 12 ҳазор кулоҳаки ҳастаӣ дар кул дар ҷаҳон вуҷӯд дорад, ки аз ин теъдоди ҳудӯди 3 ҳазору 880 кулоҳаки ҳастаӣ фаъол ҳастанд ва кишварҳои дорои силоҳи ҳастаӣ бавижа кишварҳои узви НАТО, бо нақзи тааҳҳудоти илзомовари қонӯнӣ зайли Муоҳидаи NPT тавофуқоти сӯратгирифта дар конфронсҳои бознигарии он, ҳамчунон ба таслеҳоти ҳастаӣ вобаста ҳастанд.
Баҳрайнӣ бо ишора ба инки вуҷӯди силоҳҳои ҳастаӣ занги хатаре барои як ҷанги ҳастаӣ ва таҳдиде барои ҳаёту амнияти башар аст, халъи силоҳи ҳастаиро барои тақвияти сулҳу амнияти байналмилалӣ, зарурӣ донист.
Намояндаи доими Эрон назди Созмони милал таъкид кард, то замоне, ки таслеҳоти ҳастаӣ вуҷӯд доранд, имкони истифода аз ин навъи таслеҳот ҳам ҳамчунон идома хоҳад дошт, бинобар ин, халъи силоҳи ҳастаӣ бояд ба унвони авлавияти аслии ҷомеъаи байналмилалӣ дар ҳавзаи халъи силоҳ боқӣ бимонад ва пойбандӣ ба тааҳҳудот барои дастёбӣ ба ҷаҳоне орӣ аз силоҳҳои ҳастаӣ, бавижа дар Конфронси халъи силоҳ, мавриди ҳимояту иҷмоъи назар қарор гирад.
Вай тасреҳ кард, токунӯн минтақаи Ғарби Осиё орӣ аз силоҳҳои ҳастаӣ ва соири силоҳҳои куштори ҷамъӣ ба далели фаъолиятҳои ҳастаии ғайриқонӯнӣ ва зарродхонаҳои таслеҳотии ҳастаии режими Исроил муҳаққақ нашудааст; ин режим дар натиҷаи тадовуми дар ихтиёр доштани таслеҳоти ҳастаӣ ва соири силоҳҳои куштори ҷамъӣ ва худдорӣ аз қарордодани фаъолиятҳои ҳастаии ғайрисулҳомези худ таҳти назоратҳои падмонии Ожонси байналмилалии энержии атомӣ, муҳимтарин монеъи таҳаққуқи ин амр шудааст.
Баҳрайнӣ хотирнишон кард: Эрон аз ҷомеъаи байналмилалӣ мехоҳад, ки режими Исроилро водор кунанд, ки ба унвони як узви ғайриҳастаӣ ба Муоҳидаи NPT бипайвандад, тамоми силоҳҳои ҳастаии худро ба таври ғайриқобили бозгашт, имҳо кунаду кулияи таъсисоту фаъолиятҳои ҳастаии худро таҳти назорати Ожонси байналмилалии энержии атомӣ қарор диҳад.
Гуфтанист, нишасти соли 2025 Конфронси халъи силоҳи Созмони Милали Муттаҳид ба унвони танҳо ниҳоди музокиротии чандҷониба дар заминаи халъи силоҳ аз рӯзи 21 январ оғоз шуд. Ин ниҳод, вазифаи музокира ва инъиқоди тавофуқоти байналмилалӣ дар ҳавзаи халъи силоҳу кантроли таслеҳот, аз ҷумла халъи силоҳи ҳастаиро дунбол мекунад.
