Маерск – ғӯли киштиронии ҷаҳон фаъолият дар бандари Ҳайфоро мутаваққиф кард

Порс-Тудей. Ширкати данияи Маерск - яке аз бузургтарин хутути киштиронии ҷаҳон эълом кард, ки ба далели афзоиши танишҳои минтақаӣ тараддуди киштиҳои худ ба бандари Ҳайфо дар сарзаминҳои ишғолиро ба таври муваққат мутаваққиф кардааст.  

Ба гузориши Порс-Тудей, ширкати данияии Маерск эълом кард, ки фаъолияташро муваққатан ба далели афзоиши танишҳои минтақаӣ дар бандари Ҳайфои режими Исроил қатъ кардааст.  

Бар асоси баёнияи мунташиршуда аз сӯи Маерск, ин тасмим аз рӯзи ҷумъаи 30 хурдод (20 июни 2025) амалӣ шуда ва ҳадаф аз он итминон аз ҳифзи эминии коркунон, маҳмулаҳо ва новгони ин ширкат эълом шудааст.

Маерск дар ин баёния таъкид кардааст, ки дар ҳоли арзёбии мудовими шароити амниятӣ дар минтақа аст ва то иттилои сонавӣ киштиҳои ин ширкат дар масири бандари Ҳайфо ҳаракат нахоҳанд кард. Ҳамчунин ҳамоҳангиҳои лозим бо муштариён барои ироаи масирҳои ҷойгузин дар ҳоли анҷом аст.