Кореяи Шимолӣ музокироти ҳастаӣ бо Амрикоро мутаваққиф кард
Раиси тими музокиракунандаи Кореяи Шимолӣ аз таваққуфи музокироти ҳастаӣ бо Амрико дар сатҳи коришносӣ хабар дод.
Ба нақл аз хабаргузории Форс, Ким Мионг гил дар Стокголми Шветсия аз содиқ набудани амрикоиҳо дар музокирот ибрози таассуф кард ва гуфт, ҳайати Кореяи Шиомлӣ гуфтугӯҳои ҳастаӣ дар сатҳи коршиносӣ бо амрикоиҳоро мутаваққиф кардааст.
Раиси тими музокиракунандаи Кореяи Шимолӣ афзуд, Вашингтон ҳеҷ чизе барои ироа дар музокирот надошт ва акнун масъулияти идомаи гуфтугӯ бар уҳдаи Амрикост.
Музокироти ҳастаӣ миёни Пхениян ва Вашингтон аз субҳи рӯзи шанбе дар Стокголм пойтахти Шветсия оғоз шуда буд.
Ин нахустин музокироти расмии ду кишвар пас аз дидори 30 июни Доналд Трамп раиси ҷумҳури Амрико ва Ким Ҷонг Ун раҳбари Кореяи Шимолӣ дар минтақаи ғайринизомии байни ду корея буд.
Дар ин дидор ду тараф тавофуқ карда буданд музокироти атомие, ки дар Сингапур ва Ветнам бо бунбаст ру ба ру шудро аз сар гиранд.
Ким Ҷонг Ун раҳбари Кореяи Шимолӣ ва Доналд Трамп раиси ҷумҳури Амрико якбор дар 12 июни 2018 дар Сингапур ва бори дигар 27 ва 28 феврал дар Ханой пойтахти Ветнам бо якдигар дидор карданд.
Дар нахустин нишасти Ун ва Трамп ду тараф санадеро имзо карданд, ки бар асоси он Пхениянро ба халъи силоҳи комили ҳастаӣ ва Амрикоро ба ироаи тазминҳои амниятӣ барои Кореяи Шимолӣ мутааҳид кард.
Бо ин ҳол Амрико гоме амалӣ дар чорчуби тавофуқоти Сингапур бар надошт ва ин мавзӯъ интиқодоти Пхениянро барангехт.
Дуввумин нишасти Трамп ва Ким Ҷонг Ун дар Ветнам бидуни натиҷа поён ёфт.
