Роҳандозии як шуъбаи Донишгоҳи Алазҳар дар ҷумҳурии худмухтори Чеченистон
Октябр 19, 2016 11:40 Asia/Dushanbe
Идораи динии мусалмонони Чеченистон эълом кард: Раиси донишгоҳи Алазҳари Миср барои роҳандозии як шуъба аз ин донишгоҳ дар ҷумҳурии худмухтори Чеченистон бо идораи мусалмонони ин ҷумҳурӣ ба тавофуқ расид.
Ба иттилои хабаргузории Ирно, бар асоси ин хабар ҳайъате аз ҷумҳурии худмухтори Чеченистон ба раёсати муфтӣ Салоҳ Межие бо Аҳмад Алтайиб Шайх Алазҳар дар Ҳамоиши байналмилалии Афтои Қоҳира дидор ва дар бораи афзоиши ҳамкориҳои дуҷониба ва роҳандозии як шуъба аз Донишгоҳи улуми исломии Алазҳар дар ин ҷумҳурӣ гуфтугӯ карданд.
Ҳамоиши байналмилалии Афто дар ду рӯзи гузашта бо ҳузури раҳбарони динӣ ва намояндагони 80 кишвари ҷаҳон дар Қоҳира баргузор шуд.