Твиттер фиреби Трампро нахурд

Ширкати Твиттер чанд ҳисоби корбариро, ки маҳдудиятҳо алайҳи Доналд Трамп, раисҷумҳури собиқи Амрикоро давр мезаданд, баст.

Шабакаи иҷтимоии Твиттер ҳисоби ҷадиди Доналд Трамп, раисҷумҳури собиқи Амрикоро ки DJTDesk@ ном дошт ва дар моҳи май эҷод шуда буд, ба далели зери по гузоштани муқаррарот муаллақ кард.

Сухангуи Твиттер дар баёнияе гуфт: “Ҳамон тавр, ки дар сиёсати давр задани мамнуиятҳои Твиттер таъкид шудааст, ин шабакаи иҷтимоӣ ҳисобҳоеро, ки муҳтавои ҳисобҳои қаблан басташударо таблиғ мекунанд, мебандад”.  

Твиттер ҳисоби Трампро пас аз нооромиҳои Конгресси Амрико дар шашуми январ, ки таи он панҷ нафар ҷон бохтанд, ба далели хатари барангехтани хушунати бештар баст.

Трамп пас аз инки дастрасӣ ба Твиттерро аз даст дод, талош кард, аз ҳисобҳои мухталифе паём ирсол кунад, ки онҳо ҳам масдуд шуданд.

Ҷадидтарин ҳисоби Трамп дар Твиттер пас аз роҳандозии шабакаи иҷтимоии ихтисосии ӯ бо номи “аз мизи кори Доналд Ҷей Трамп”  ( Fromи theи Deskи ofи Donaldи J . Trump ) эҷод шуда буд.

Вай дар ин сайт паёмҳое шабеҳи твит ирсол мекунад, ки ҳаводоронаш метавонанд онҳоро дар шабакаи иҷтимоӣ ба иштирок бигузоранд.

Бештар бихонед:

• Трамп аз шабакаи иҷтимоии худ рӯнамоӣ кард

• Ҳисоби Твиттерии Трамп барои ҳамеша баста шуд