Эрониёни муқими Амрико барои ширкат дар интихобот омода мешаванд
Сарпарасти дафтари ҳифозати манофеъи Эрон дар Вашингтон эълом кард : Эрониёни муқими Амрико барои ширкат дар интихобот омода мешаванд .
Ба гузориши радиои тоҷикии Садои Хуросон Маҳдии Отифат-сарпарасти дафтари ҳифозати манофеъи Эрон дар Вашингтон гуфт : Дар саросари Амрико аз ду ҳавзаи ибтидоии Вашингтону Нию-Йорк ба 24 ҳавза дар иёлатҳои Аризона,Калифорния, Флорида, Ҷорҷия, Мэриленд, Вирҷиния, Миссурӣ, Каролинаи шимолӣ, Огайо, Висконсино ва Оклҳама расидаем, ки дар ҳар кадом як ё ду шуъбаи овоздиҳӣ фаъол хоҳанд буд .
Отифат афзуд : дар Орегон ва Буффало ҳам ду ҳавза таъин шудааст, то ҳамватанони эронии муқими Канада битавонанд дар онҷо ба пои сандуқи раъй биёянд . Сарпарасти дафтари ҳифозати манофеъи Эрон дар Вашингтон ҳамчунин гуфт : Омода ҳастем, ки дар рӯзи ҷумъаи 28 хурдод интихоботи хуберо дар Амрико баргузор кунем,соъати овоздиҳӣ аз соъати 8 субҳ то 5 баъди зуҳр бар асоси замони маҳаллии иёлатҳо хоҳад буд ва ба маҳзи итмоми овоздиҳӣ шумориши оро анҷом ва натоиҷ ба вазорати кишвар ирсол мешавад .
Отифат ҳамчунин гуфт : Имкониятҳое ҳам барои амнияти ҳавзаҳо аз тариқи полиси дипломатӣ ва полиси шаҳрӣ дар назар гирифта шудааст .Ба гуфта сарпарасти дафтари ҳифозати манофеъи Эрон дар Вашингтон : Дар ҳар ҳавза 6 нафар таъин шудаанд, ки як нафар нозири Шурои нигаҳбон аст; ба ин тартиб наздик ба 144 нафар омилҳои дастандаркори ҳавза ҳастанд ва малзумоте ҳам дар ин ҳафта ба ҳамроҳи сандуқи раъй ба ҳавзаҳои овоздиҳӣ ирсол мешавад .Сарпарасти дафтари ҳифозати манофеъи Эрон дар Вашингтон бо ибрози умедворӣ, ки имсол ҳам чун гузашта, шоҳиди ҳузури пуршуре дар интихобот бошем, гуфт : Фақат картаи шиносоии муътабари эрониҳо гузарнома ё шиноснома аст .
Бештар бихонед :
