Raisi: Eýranyň we Ermenistanyň taryhy serhetleri sebitdäki ýakynlygyň we howpsuzlygyň esasyny düzýär
Eýran Yslam Respublikasynyň Prezidenti Eýranyň we Ermenistanyň taryhy serhetleri sebitiň gülläp ösmeginiň, ýakynlaşmagynyň we howpsuzlygynyň esasy hasaplanýar we Tähran sebitiň gülläp ösmegi we durnuklylygy üçin ähli ugurlarda hyzmatdaşlygy dowam etdirmegi ýüregine düwdi diýdi.
Prezidentiň habar beriş saýtynyň habaryna görä, Eýran Yslam Respublikasynyň prezidenti Seýid Ybraýym Raisi sişenbe güni Ermenistanyň premýer-ministri Nikol Paşinýanyň telefon jaňynyň jogabynda sebitdäki dartgynlygyň dowam etmegine alada bildirip, Kawkaz sebiti aýratyn şertleri başdan geçirýär we gynansak-da bu sebite parahatçylyk gaýdyp gelen däldir diýdi.
Eýranyň Ýokary Milli Howpsuzlyk Geňeşiniň başlygy, sionist režimiň sebitdäki täsirine salgylanyp, bu basyp alyjy režimiň barlygyny howpsuzlyga garşy we tutuş sebit, şol sanda ýer eýeleri üçin howp hökmünde tanatdy.
Eýran Yslam Respublikasynyň Kawkaz sebitindäki ýagdaýlara we özgerişlere yzygiderli gözegçilik edýändigini mälim eden Raisi, sebitiň başga bir urşy çydap bilmejekdigini aýtdy.
Eýranyň ýerine ýetiriji häkimiýetiniň başlygy, Kawkaz sebitindäki howpsuzlygyň Eýran Yslam Respublikasy üçin diýseň möhümdigini aýtmak bilen üç taraplaýyn ýaraşyk şertnamasyna gol çekenler onuň düzgünlerine boýun bolmaly we sebitde dartgynlylyk döretmek üçin haýsydyr bir hereketden saklanmalydyrlar diýdi.
Nikol Paşinýan hem Kawkaz sebitindäki soňky wakalar barada hasabat hödürlemek bilen Eýran Yslam Respublikasynyň sebitdäki dartgynlygy we krizisleri çözmekde hemişe konstruktiw we täsirli rol oýnandygyny aýtdy.
Ermenistanyň premýer-ministri Tähran bilen Ýewanyň arasyndaky gatnaşyklaryň giňelmeginden hoşaldygyny aýtmak bilen Ermenistan ähli ugurlarda Eýran Yslam Respublikasy bilen gatnaşyklary çuňlaşdyrmaga çalyşýar diýdi.
