Eýranyň Daşary işler ministri: Sionist režimiň jenaýatlaryna berilen jogap halkara hukugyna laýyklykda edildi
Eýranyň Daşary işler ministri Sionist režimiň jenaýatlaryna berilen jogabyň halkara hukugyna laýyklykda edilendigini aýtdy.
Eýranyň Daşary işler ministri "Huseýin Amir Abdollahian" ýurdy Birleşen Milletler Guramasynyň Howpsuzlyk Geňeşiniň aýlawly prezidentini dolandyrýan Maltanyň Daşary işler ministri "Ian Borg" bilen söhbetdeşlikde, Eýranyň ýaragly güýçleriniň Ysraýyl režimine eden soňky güýçli jogabyny düşündirmek bilen, Eýran Yslam Respublikasynyň Sionist režimiň jenaýatlaryna garşy alyp barýan harby hereketi kanuny goragyň çäginde we halkara hukugyna laýyklykda bolandyr diýdi.
Amir Abdollahian, Maltanyň hökümetiniň Birleşen Milletler Guramasynyň Howpsuzlyk Geňeşiniň nobatdaky başlygy hökmünde Ysraýyl režiminiň Gaza zolagyndaky genosidini bes etmek ugrundaky döredijilikli roluna we tagallalaryna ýokary baha berdi.
Maltanyň Daşary işler ministri sebitdäki dartgynlygyň giňelmegi bilen baglanyşykly howplara ünsi çekdi we ähli taraplaryň saklanmagyny nygtamak bilen, Malta Gaza zolagynda haýal etmän ot açyşlygy bes etmegi, tussaglary boşatmagy we ynsanperwer kömegini ibermegini aňsatlaşdyrmagy talap edýär diýdi.
Eýranyň Daşary işler ministri, şeýle hem Müsüriň Daşary işler ministri Sameh Şukri bilen telefon arkaly söhbetdeşlikde ikitaraplaýyn gatnaşyklardaky soňky wakalary we sebitdäki özgerişleri ara alyp maslahatlaşdy.
Amir Abdollahian, Eýran Yslam Respublikasynyň sionist režimini nyşana almagynyň Birleşen Milletler Guramasynyň jarnamasynyň 51-nji maddasyna laýyklykda bolandygyny aýtmak bilen, Ol Eýranyň sebitdäki söweşe garşy durmakdaky prinsipial pozisiýasyna ünsi çekdi we Gazadaky genosidi we uruş jenaýatlaryny duruzmak üçin her kimiň işlemelidigini aýtdy.
Müsüriň Daşary işler ministri sebitdäki dartgynlygyň ýokarlanmagyndan we Sionist režiminiň Gaza zolagyna garşy söweşiniň dowam etmeginden alada bildirdi we ähli taraplaryň dartgynlylygyň ýokarlanmagynyň öňüni almaga synanyşmalydygyny aýtdy.
Eýranyň Daşary işler ministri "Huseýin Amir Abdollahian", Ýewropa Bileleşiginiň daşary syýasatynyň başlygy "Jozep Borrell" bilen telefon arkaly söhbetdeşlikde Sionist režimiň gaýtalanýan agressiýalaryna, şol sanda Eýranyň Siriýada terrorçylyga garşy göreşýan geňeşçi güýçleriniň nyşana alynmagyna ünsi çekmek bilen, Sionist režimiň Eýranyň Damaskdaky diplomatik desgalaryna garşy harby hüjümi Wena konwensiýasynyň aç-açan bozulmagy we Eýran Yslam Respublikasynyň gyzyl çyzygyny kesmekdir diýdi.
Amir Abdollahian, Eýranyň kanuny goranyş çäginde alyp baran harby hereketleriniň üstünliklerine ünsi çekmek bilen, operasiýa tamamlanandan soň, Eýran Yslam Respublikasynyň nukdaýnazaryndan meseläniň gutarandygy habar berildi, ýöne sionist režim tarapyndan garşy çäre görülse, Eýran Yslam Respublikasynyň jogaby derrew, giň we iň ýokary derejede bolar diýdi.
Josep Borrell hem, Eýranyň harby jogabynyň garaşylýandan uzak däldigini aýtmak bilen bu operasiýanyň Eýran Yslam Respublikasynyň nukdaýnazaryndan gutarmagyndan kanagatlanma bildirdi, we Ýewropa Bileleşiginiň garaýyşyna görä, Eýranyň Damaskdaky ilçihanasynyň konsullyk bölümine edilen hüjüm Wena konwensiýasyny bozandygy üçin ýazgarylýar diýdi.
