Eýran Birleşen Milletler Guramasyny Liwandaky terrorçylykly hüjümi yzarlamagyna çagyrdy
Eýranyň Birleşen Milletler Guramasyndaky hemişelik wekili bu halkara guramadan Ysraýylyň Liwandaky terrorçylykly hereketlerini we aýylganç jenaýatlaryny ýazgarmagyny isledi.
IRNA-nyň habaryna görä, Eýranyň Birleşen Milletler Guramasyndaky ilçisi we hemişelik wekili "Amir Said Irwani" Birleşen Milletler Guramasynyň Baş sekretary "Antonio Guterreş" we Howpsuzlyk Geňeşiniň we Baş Assambleýasynyň prezidentlerine ýazan hatynda, Eýran, Liwandaky ilçisine şikes ýetmegine garşy hüjümi çynlakaý yzarlajakdyr we bu aýylganç jenaýata we kanunlaryň bozulmagyna garşy zerur çäreleri görmek üçin halkara hukugyna esaslanýan hukuklaryny saklajakdyr diýdi.
Eýran Yslam Respublikasynyň Birleşen Milletler Guramasyndaky uly diplomaty giňden ýaýran, yzygiderli we parahat ilatyň öldürilmegine we agyr jebir çekmegine we agyr ýaralanmagyna gönükdirilen Pager partlamalryň aýylganç jenaýatynyň adamzada garşy jenaýat hasaplanýandygyny aýtdy.
Erwani şeýle-de bu meseläniň sionist režimiň, palestinalylara garşy uruş jenaýatlary we genosid ýaly rehimsiz jenaýatlary etmekden başga-da sebit we halkara parahatçylyk we howpsuzlyk üçin çynlakaý howpdygyny görkezýändigine yşarat edip, bu bikanun hereketlere garşy göreşmegiň zerurdygyny we halkara jemgyýetçiliginiň sionist häkimiýetleriň eldegrilmesizligini ýok etmek üçin tiz hereket etmelidigini aýtdy.
