Bə duyə ifodə xoto Azərbaycan Respublikə İslamçion işkəncə karde
"Nardarani ko" hodisədə zindoni bə İslamçionku qıləyni votışe: işkəncə şiddəti xoto məcbur bim du bıvotım. bə Turan xəbəriyə mərkəzi raporti əsos,"Nardarani ko" hodisədə məhkum bə kəsonku votışe: Boku şəhri ətrofədə Kırdəxani zindoni işkəncə şiddəti xoto məcbur bim bə Azərbaycan Respublikə Mısılmonon İbemoni Hərəkati rəis Tale Bağırzodə ələyh du ifodə bıdəm.
Motəbər Babayev jəğoən votışe de Kırdəxani zindoni rəisi vote xoto və de şiddətinə işkəncə xoto xəyli həbsdə bəkəsonko məcbur bəben duyə ifodə bıdən və Nardarani dosye dıroz be həm jəğoy.
işkəncəku bə nav zindoni rəis zindoni əzobi kam karde dıvrəvədəş duyə ifodə əvəz doəşbe və nəticə nıbe surətədə ın vədə işkəncəon təhdidi bə peştə təşkil bəbe.
vote bəbe Nardarani dosye rəse cərəyandə 8 nəfər Nardarani sakinonku ki, ifodə doeyo məhkəmədə hozzo bəben dastgir bin Nardarani dosye mıttəhmon mıdofiyə vəkil Yalçin İmanov həm dastgir bə şəxson işkəncəku duyə ifodə nıdoe xoto zindonədə xəbəş doəbe.
dəvardə sori noyabri 26 minə ruji Boku şəhri ətrofədə Nardarani məçitdə bə əzodoron Azərbaycan Respublikə əmniyətiyə ğıvvon hucumədə Mıslımonon İbemoni Hərakəti rəis Tale Bağırzadə və çandə da nəfər İslamçionku dastqir bin ki bə Nardarani dosye oşno bəy.