İroni prezident aparati rəisi bə Boku səfər.

İron İslam Respublika prezident aparati rəis zinə şanqo bə Boku daxil bə vaxti votışe:islamiyə məmləkəton dıştə vəhdəti ğudsı məsələdə Amerkə ğəroli vədə çokə reaksiyaşon nışon do.

Məhmud Vaezi ki islamiyə məmləkəton  vəhdət sori mınosibətiku bə Azərbaycan Respublika səfərış kardə  4 şanbə şəvi  Boku şəhrədə bə İRNA aqentəti votışe: muhimmə muvzo ki cumə ruji mərasimədə bəy diğğət bəbe Amerkə prezidenti ğərol ım məmləkəti səforətxonə ovıştıne və ğudsı bənə sionist rejimi paytəxt bə rəsmiyyət zıneye.

Vaezi əlavəş karde Azərbaycan Respublika president milady 2017 minnə sorış islamiyə məmləkəton vəhdət sor elanış kardə be ki İron həm çı hərəkətiku ıştə rozi mandeş elan karde.