Boku şəhrədə "banuye aftab" (həşi xanım) nomo ədəbiyə iclos bərpo be.

"Banuye aftab"(Həşi xanım) nomo bıə ədəbiyə iclos ironi mədəniyyət və islamiyə əlağon təşkilatiu rəis Əbozər İbrahimi Torkəmanı iştirak kardeədə bokuədə bıə ironi səforəti mədəniyə salonədə bərpo be.

Bə İRNA xəbon əsosi ım əzəmətinə iclos kərimə ğıroni novraniyə ayəon handeədə təşkil be və Azərbaycan Respublika şairon və məddahonku qıləy cəm ki əhlebeyt(ə) aşığonku bin Xıdo rəsol Həzrət Muhəmməd (s) əzizə kinə və dınyo şiəyon 1 minnə imom əmire momenan Həzrət Əli(ə) əzizə kinə mədhışon hande.

ım iclosədə Azərbaycan respublikaədə əhlebeyt(ə) şair Sed Ağa Rəhim  Baxşiyevku ki çanvaxt bə nav xərçənq noxəşəti xoto bə rəhmət şə be tərif iyən təşəkkur be və ım yolə şairi həxədə qıləy kırtə film nışon doə be.

ironi mədəniyyət və islamiyə əlağon təşkilati rəis 5 şanbə ruji bə Azərbaycan Respublika mədəniyyət və turizm vəzir Əbulfəz Ğarayevi dəvəti əsosi 3 rujə vindımoni xoto bə ım məmləkət daxil bə.