İroni prezident maştə bə Tırkəmənestan və Azərbaycan Respublika səfər bəkay.

De Tırkəmənestan və Azərbaycan Respublika prezidenton rəsmi dəvəti iyən 2 tərəfi və məntəğəiyə əloğəon inkişofi çərçivədə İroni prezident Həsən Ruhani maştə be ım 2 qılə kişvər səfər bəkarde.

Bə İrna raporti əsos, İroni prezident aparati məlumat ərosnə mərkəzi məavin Pərviz İsmaili votışe: maştə sıb İroni prezident Tehroniku bə Tırkəmənestani paytəxt Aşeğ Abad səfər bəkarde ta de muxtəlifə rəsmi şəxson vindımon karde cərəyonədə əloğəon sənəd imzo bıbu.

Əv İron və Tırkəmənestani taciron miyono mıştərəkə iclosi dəvoniyəku həm xəbəş do.

İroni prezident aparati məlumat ərosnə mərkəzi məavin təsdiğış kardə Marti 18 həm Ağaye Ruhani bə Boku səfər bekarde ta İlham Əliyevi tono muzakirəon bəpeştə çandə həmkari mığoviləon imzo bıbun.

Pərviz İsmaili əlovəş kardə: Marti 29 həm de İron və Azərbaycan Respublika dıvləti və ğeyri dıvləti iğtisodi şirkəton iştirok karde 2 qılə kişvəri iğtisodiyə mıştərəkə iclos bərpo bəbe.