Turkmənıstan və İroni miyono 2 tərəfiyə əloğəon inkişof.
Turkmənıstani prezident votışe: de İron İslam Respublika əloğəon muxtəlifə sahəon xususi ticarət və iğtisodədə hevuj bəbe.
Bə İrna raporti əsos Ğurban Əli Berdi Məmmədov kişvəri kabinet iclosədə əlovəş kardə: de diğğət bə dustanə rabitəon iyən hamsuyə bey bəbe mıtəğabilə əloğəon sahədə mıasirə fırsətiku istifodə kəmon.
Əv bə xarıci vəzarətxanə əmrış doe ki dəvardə muğaviləonədə imzo bıə mıvzoon xususi İroni prezidenti səfəri bəpeştə təsdiğ bıə həmkari sənədon təğib və icra bıkə.
Turkmənıstani xarıci vəzarətxanə həm çımiku bə nav ım kişvəri qıləy siyasi-iğtisodi heyəti bə Tehron səfər kardeku xəbə doeş be.
Tojədən çı İroni islamiyə şura məclesi xarıci siyasət və milli əmniyyət kamissiya sıxənəvot Seyed Həsən Nəğəvi Huseini həm təsdiğış kardə ki İron və Turkmənıstani miyono iğtisodi və ticari əloğəon vədə maneon rəpeqətə bəbe.
İron və Turkmənıstoni miyono ticari əloğəon miğdor 2017 sorədə 2 milyard dollar be.
