İroni səhiyyə vəzir de Azərbaycan Respublika prezident vindemonış karde.
İroni səhiyyə vəzir Bokuədə ıştə vindemonon dəvomədə zinə de İlham Əliyev mıloğat və bə prezidenton miyono 2 tərəfiyə muğaviləon icra kardero meydoni hozzo bey təkidış karde.
Ğazizade Haşemi votışe: İroni dəvo-damon sahədə kəmpaniyaon bə Azərbaycan Respublika ailə mınosib və stratejik həmkari xoto plan və proyekton hozzo kardəşon və əmə əloğəon inkişof doe sahədə 2 qılə inkişof və rifoh ziyod bəyro vey umidvarimon.
Əv ijən təkidış karde ki İron təyeb və dəvo-damon sahədə ıştə təcrubəon bə Azərbaycan Respublika ovıştoniyəro hozzoe.
Azərbaycan Respublika prezident həm Boku təyebiyə mərkəzonədə İronıjə ostadon və doktoron huzuri tələbış karde və votışe: de İron əloğə və həmkarion inkişif doero lozimə zəminəon hozzo bıə və həmmə təşkilaton dəvo-damon sahədə bo planon icra kardero cəhd kardedən.
Əliyev Bokuədə dəvo-damon fabrika soxtə barədə həm votışe: ım plan rə əməliyoti bəbe.
Ğazi Zade Haşımi zinə de Azərbaycan Respublika səhiyə vəzir Oktay Şir Əliyev və rifoh vəzir sahil Babayev həm vindemon və muzakirəş kardə be.
