Ğərəboği barədə Erməniston çı Tırkiyə nəzəriku tənğidış karde.

Ermənistoni xarıci vəzarətxanə sıxənəvot Ğərəboği bıhroni barədə Tırkiyə rəsmi şəxson nəzəriku tənğidış karde.

Bə Təsnim aqentiyəti raporti əsos Tiqran Balayan be şərt de Tırkiyə əloğəon normal karde barədə bə Ermənistoni hozzo bey işorəş karde və votışe: Tırkiyə prezident və xarıci vəzir bə Boku səfər karde cərəyonədə hejo və Ğərəboğ və Ermənistoni barədə mənfi sıxənon bəyon kardən.

Əv əlovəş karde: əqə Tırkiyə dıvlət Ğərəboği barədə tojə təklifonış be bo əmə həm bəy ğeymət bənomon.

Ermənistoni rəsmi şəxson jıqonə sohbəton bə kəno tojədən Azərbaycan Respublika mudafiə vəzir qeneral Zakir Həsənev de Cənobi Ğəfğaz məsələonədə bıə Avropa İ Bemoni nımoyəndə vindımon karde cərəyonədə votış be: Erməniston bəpe bo Ğərəboği bohrani həl karde bə beynəl xalğiyə ğanunon əməl bıkə və be şərt çı Azərbaycan Respublika əraziku xaric bıbu.

Əv iddioş karde ki Erməniston Ğərəboğ bohrani həl karde ğəsdış ni.

Cənobi Ğəfğaz məsələonədə bıə Avropa İ Bemoni nımoyəndə həm təkidış kardə ki Ğərəboği bohrani rə sulhinə roon vositə həl karde lozime.