Merkel votışe: Ğərəboği bıhron bəpe de sulhinə metodi həl bıbu. 

Almaniya kansler çı Erməniston və Azərbaycan Respublika rəsmi şəxsonku tələbış karde ki bo Ğərəboği mınoğişə həl karde qıləy sulhin roon peydo bıkən. 

Bə Frans raporti əsos Anqela Merkel ıştə bə məntəğə səfəri 2-nə rujədə İronədə elanış karde:  Almaniya karde bəzne ım daveon həl karde cərəyonədə həmkari və komək bıkə. Almaniya kansler zinə bə Qurcıston səfər karde bəpeştə bə Erməniston varid be və de Ermənistoni prezident iyən iminə vəzir muzakirəş karde. 

Merkel ki Ermənistoni istiğloli bəpeştə iminə kərə bənə Almaniya kansleri onvan bə Erməniston səfərış karde zinə bə Ermənion qınosiyə faciə ehtırom karde vırə həm əv səş ğande.

Əv Ermənistoniku bə Boku həm səfər bəkarde. 

Azərbaycan Respublika və Ermənistoni miyono Ğərəboği davoon 1988 nə-sorədə bino be iyən 1994-nə sori Mayə manqi de otəş basti muğavilə zahirədə sə be, əmmo canq hələ sərhəd iyən cəhbə xəttədə dəvomışe.

Hətto De Avropa həmkari və əmniyyət təşkilati Minsk qrupi vositəçiəti həm hələ ım bıhroni həl əkə roon benəticə mandəy.