Əliyev və Merkel bə Ğərəboği mınoğişə həl bey zəruriyat təkid kardeşone.
Azərbaycan Respublika prezident elanış kardə, Ğərəboğ məntəğə çı Azərbaycan Respublika sərzəmini i baxşe və Erməniston bəpe çəmə kişvəri ərazi təmomiyəti rəsmən ğəbul bıkə.
Bə Telerədio aqentiyəti raporti əsos, Almaniya kansler Anqela Merkel de Əliyevi ım xəbəiyə iclosədə votışe, Berlin bovəşe ki cənubiyə Ğəfğaz məntəğədə bıə ixtilofon bəpe de diplomatiya metodon həl bıbu.
Merkel əlovəş do, Almaniya hozzıətişe ki Ğəfğaz məntəğədə bo sulh və stabiləti icod karde, vositəçiyəti kardedə və Avropa həmkari iyən əmniyyət təşkilati Minsk qrupədə Ğərəboği mınoğişə həl kardeyro rol ifo əkəy.
Ğərəboği məntəğə barədə Erməniston və Azərbaycan Respublika konfilikt 1988-nə sorədə bino bıə iyən 1992-nə sorədə bənə hərbiyə dave əvəz be.
Avropa həmkari və əmniyyət təşkilat Minsk qrup vositəçiyəti Ğərəboği konfilikt həl kardeyro hiç foydə nıbıə.
Anqela Merkel pəynə bə Qurcıston və Erməniston səfər de ım kişvəron ali rəsmi şəxson vindemon karde bəpeştə bə Azərbaycan Respublika səfərış kardə.
