Tırkiyə de İron ticari mıbodiləon zumand karde fikədəy.

Tırkiyə mıstəğil tociron iyən sənətkoon cəmiyət və xarıci ticarət iyən beynəl xalğiyə rabitəon kamissiya kırt "Musiyad" kamissiya rəis ım təşkilati cəhdiku de İron İslam Respublikati ticariyə mıbodiləon miğdori ziyod kardeku xəbəş do.

Bə Anatoli aqentiyəti zinə ruji raporti əsos, Zəki Qovercin votışe: ım təşkilat de İron ticariyə rabitəon zumandəti tələb kardedə və bə ım hədəfi rəse xoto həmmə zərfiyətonku istifodə bəkay.

Çı Musiyad təşkilati xarıci ticarət və beynəl xalğiyə rabitəon kamissiya rəis Tırkiyə cənub şərğ Van şəhrədə İron və Tırkiyə məntəğəiyə ticarət rabitəon inkişofi iclosi bərpo beyku Yanvari 22ədə de 2 qılə kişvəri fəalə şirkəton iştirokiku xəbəş do və umu izhorış karde ım iclos 2 qılə kişvəri ticariyə mıbodiləon miğdori zumandətiədə çok və muhimmə roli ifo bıkə.