Ruhani:Tehron-Boku əlağon bə inkişafi tərəf şedə.

İron İslam Respublika prezdent Tehron-Boku əlağəş bə inkişafi tərəf zınəşe və votışe:ironi iradə de Azərbaycan Respublika həmkarətion zumand iyən inkişafi roədəy.

Həsən Ruhani zinə Ğəzvin-Rəşt osınə ro okarde mərasimədə de Azərbaycan Respublika ixtisad vəzir Şahin Mustəfayevi vindımonədə votışe:Tehron və Boku miyonədə milli və məntəğədə qıləy erjinə həmkarətionku cənub-şimalı osınə ro kamil karde və əy bə Ostoro osınə ro xət rosney ki omidvarimon nakonəsə ve bə 2 qılə məmləkəti əlağon zumand be bois bıbo.prezdent Ruhani bə İron və Azərbaycan Respublika həmkarətion inkişafi əhəmiyyət nəğliyat,enerji,maşinsoxte və dəmoni baxşonədə işarəş karde və votışe: ixtisadiyə həmkarətion və mıştərəkə sərmayə noe bə 2 qılə məmləkəti tarix və milləton xıdmət kardeye.

Şahin Mustəfayev həm ım vindımonədə votışe:Azərbaycan Respublika Ğəzvin bə Rəşt iyən Ostoro osınə ro plani veyə əhəmiyyət dodə və əlavəş karde heç qılə mane karde nibəzne Boku-Tehronı əlağon inkişafədə təsir noe.