Ğərəboği canqədə Tırkiyə işteraki barədə Ermənistoni iddio.

Ermənistoni i minə vəzir iddioş karde ki Ğərəboği canqədə Tırkiyə dıştə ali hərbi fərmondəon işterak kardəşe.

Bə Spotnik raporti əsos, Nikol Paşiniyan bə Rusiyə qıləy kanalon doə mısohibə cərəyonədə votışe: bə rəsə dəğiğə məlumaton əsos, çı Tırkiyə hərbi təlimçion iyən ali kadron hali hazirədə Azərbaycan Respublika ərtışi fərmondəti kardedən və əmələn vey əməliyoton de Tırkiyə fərmondəon mudiriyəti əncom beydən.

Ermənistoni i minnə vəzir təkidıç karde: umum iştimaeiyət bəpe tırkiyə vodor kin ki Ğərəboğ məntəğədə bıə canqiku dast bıkəşo.

Ermənistoni tərəfo ım iddio çəy bəpeşt bəyon bıə ki Tırkiyə rəsmən dəvardə rujonədə elanış karde ki de həmməy imkanaton Azərbaycan Respublika milləti kənoədəy.

Tojədən Ermənistoni mudafiyə vəzarətxonə həm iddioş karde ki ım kişvəri SOXO 25 hərbi ğırəkə təyyorə Ğərəboğ məntəğədə iyən Tırkiyə tərəfo sağit və məhv be, əmmo Ankara ım iddio təkzibış karde.

Haftə i minnə rujonku Azərbaycan Respublika və Ermənistoni miyono bıə kanə dave yəni Ğərəboği barədə canq de şiddəti bino bıə.