Tırkiyə karde nibəzne Ğərəboğədə sulhi qarant bıbu.

Avrasiya mınoğişəonədə Amerkə dıvləti nakonə nımoyəndə və rəsmi şəxs votışe: Tırkiyə karde nibəzne Ğərəboğədə sulhi qarant bıbu.

Bə İrib raporti əsos, çı Spotnik aqentiyəti nəğliku, Keri Kavano təkidış karde: qıle holədə ki Ankara məntəğədə nığılə həmkarionış heste əmmo karde nibəzne Ğərəboğədə sulhi qarant bıbu, boçi ki tojə muğavilədə Tırkiyə barədə suhbət şedə ni çən ım kişvər həxış ni ki mınoğişə həlliro rolış bıbu ya xot mıdoxilə bıkə.

Əv sulhi qarantəkə sifəti bə Tırkiyə nisbət doe nadırıstə ko bə hisobış varde və votışe: Ğərəboği tojə daveonədə Tırkiyə həm bə Azərbaycan Respublika vey koməkış karde və həm canqi otəşi rost kardeyro Bokuş təhrik karde.

Avrasiya mınoğişəonədə Amerkə dıvləti nakonə nımoyəndə və rəsmi şəxs əlovəş karde: hukmən Tırkiyə çı Amerkə tojə prezident Co Baydeni vey muhimmə fik məğuliyəti bıbu.

Rusiyə, Azərbaycan Respublika iyən Erməniston 2şanbə ruji Ğərəboğədə canqi səkardeyro qıləy mıştərək sazışi imzo kardışone.

Həminə sazişədə sıvoy canqi sə karde, bə humanitar məsələon iyən əsiron və cənazəon vırə bə vırə kardey təkid bıə.