Ermənistoni dıvləti muxalifon Paşinyani istifo çəş kardedən.

Ermənistoni dıvləti muxalifon bo Paşinyani istifo doe intizorədən iyən bəy mıhlət doəşone ta rə ıştə vırəku bə kəno bımando.

Bə Riyanovosti aqentiyəti raporti əsos, İrəvanədə cəmaət ıştə eterazonədə ki ım şəhri ozodəti nomo meydon iyən Parlamenti vədə dəvom kardedə bə i minnə vəziri əley şuaron vanq kardışone iyən Paşiniyani rə istifo doe pidəşone.

Ermənistoni dıvləti muxalifon dəvardə haftə 2şambə həm bə dıvlət iyən parlamenti bina varid bıə bin və çand saət əyo mol-əmvolon vırt-vılo karde kənoədə parlamenti yoli həm ekoşone.

Rusiyə, Azərbaycan Respublika iyən Erməniston 2şanbə ruji Ğərəboğədə canqi səkardeyro qıləy mıştərək sazışi imzo kardışone.

Həminə sazişədə sıvoy canqi sə karde, bə humanitar məsələon iyən əsiron və cənazəon vırə bə vırə kardey təkid bıə.

Paşiniyan 2 ruj ım sazişi imzo bəpeşt votışe: əqə ım saziş imzo bıə nıbe vəziyət çimi sə əlovə bevəc əbi, ım muğavilə bo Ermənistoni tale çokə ğərol be.

Əv zinə həmçenin otəş bast muğavilə faydon barədə təkidış kardeə be ki ım saziş çı Xankındi işğali mane be.

Jığonə sohbəton qıle holədəy ki Paşiniyan çimi bənav iddioş kardə be ki az muğavilə detaliku xəbədo nıbim iyən be ım ki de mı məsləhət bıbu ım saziş medyaon tərəfo elan və ısət həm icra bıə.

Xəbə omə ki Maskvaədə bıə Azərbaycan Respublika səfir Polad Bulbuloğlo votəşe ki Ğərəboğədə Erməni sakinon hə-huğuğ kamilə oqətey bəbe.

Ğərəboği barədə Azərbaycon Respublika iyən Ermənistoni miyono tojə dıvrə daveon Sentiyabrə manqi 27 ku bino bıə be.