Ğərəboği canqədə Erməniyon tələfot elan bıə.
Ermənistoni səhiyyə vəzarətxonə elanış karde ki 2 həzo nəfəriku vey Erməni Ğərəboği tojə dıvrə daveonədə kıştə bıən.
Bə Fransə aqentiyəti raporti əsos, Erməni rəsmi şəxson, kıştə bıə kəson təğribən 2300 nəfər elan kardışone iyən cənazəon vırə bə vırə kardeyro humanistə təşkilaton iyən Rusiyə sulh mərominə ğıvvon həmkarəti kardeyku xəbə dodən.
Bə rəsə xəbon əsosi bə Erməniston Azərboycon respublika tərəfo doə cənazəon miğdor dəğiğ məlum ni! əmmo tojədən bə Azərbaycan respublika çı Ğırıboği canqi kıştə bıə kəsonku 6 qılə cənazə doə bəy.
Rusiyə, Azərbaycan Respublika iyən Erməniston 2şanbə ruji Noyabri 10 Ğərəboğədə canqi səkardeyro qıləy mıştərək sazışi imzo kardışone.
Həminə sazişədə sıvoy canqi sə karde, bə humanitar məsələon iyən əsiron və cənazəon vırə bə vırə kardey təkid bıə iyan ğeyd be ki Rusiyə sulhmərominə ğıvvon təmas və dave xəttədə sulhi təmin bəkan.
