Tırkiyə prezidenti separatçiyə sıxanon heyrətomiz be! İron çı Tırkiyə səfiri vanqış karde.

İroni islami şura məclesi xarıci koonədə məxsus məsləhətçi Tırkiyə prezidenti separatçiyə sıxanon heyrətomiz bə hisobış varde.

Huseyn Əmirəbdullahiyan ıştə Tuvitter tojə mesajədə çı Tırkiyə prezident Rəcəb Təyyeb Ərdoğani separatçiyə sohbətonış heyrət omiz bə hisobış varde və ğeydış karde: hamsuyəti iyən məmləkəton fəth kardey miyono farğ heste! Tıkiyə preazidet bəpe ijən İron xususi İron İslam Respublika tarixi çok bıhando.

Tırkiyə prezidenti Rəcəb Təyyeb Ərdoğan Bokuədə bıə hərbi parad mərasimədə ki Ğərəboği tojə dıvrə canqədə Azərbaycan Respublika səbarzətion xoto bərpo bıə be İlham Əliyevi tono Ərəsi ru barədə qıləy separatçiyə şerış hande ki de İroni rəsmi şəxson və sosiyan şəbəkəonədə İroni milləti şiddətinə reaksiyaon bois be.

Zinə həmçenin bə Ankara dıvləti Tehroni eterazon bəyon kardey xoto Tırkiyə səfir vanq kardə bəy.

İroni xarıci vəzarətxonə sıxanəvot Səid Xətibzodə zinə de Tuvitteri vositə votışe: bə Tırkiyə səfir elan bıə ki bə xıyoli əsos xarıci siyosəton bino karde ağılmandə ko ni.

Əv əlovəş karde: ijən bə Tırkiyə səfiri votmone ki hestin Tırkiyədə səvodinə alimon ki çok çoki tarixiku aqahin, çən pəpe sıxan vote ya xot şer hande bənav əvon bəştə rəsmi şəxson çı şeri rişə və illəti barədə nota bıdən.

İroni xarıci vəzarətxonə sıxanəvot Səid Xətibzodə təkidış karde ki İroni coni i baxş, ğəyrətmandə Azərbaycan həmmişə vətəni zumandə ğələ be.